ଉଦଘାଟନ ହେଲା ବାଇକ ଆମ୍ବୁଲାନ୍ସ ସେବା

ମୟୁରଭଞ୍ଜ(ବଡ଼ ଖବର ବ୍ୟୁରୋ): ଦୁର୍ଗମସ୍ଥଳକୁ ଆରମ୍ଭ ହେଲା ବାଇକ ଆମ୍ବୁଲାନ୍ସ ସେବା । ଗରିବ ଲୋକେ ଏବେ ଅଳ୍ପ ସମୟରେ ମେଡିକାଲରେ ପହଁଚିପାରିବେ । ମୟୁରଭଞ୍ଜ ଜିଲ୍ଲାରେ ଆରମ୍ଭ ହୋଇଛି ବାଇକ ଆମ୍ବୁଲାନ୍ସ ସେବା । ମୟୁରଭଞ୍ଜ ଜିଲ୍ଲାପାଳ ବିନୀତ ଭରଦ୍ୱାଜ ଏହାକୁ ଉଦଘାଟନ କରିଛନ୍ତି । ଯେଉଁ ସ୍ଥାନକୁ ୧୦୮ ଆମ୍ବୁଲାନ୍ସ ଯାଇପାରୁନାହିଁ ସେହି ସ୍ଥାନକୁ ବାଇକ ଆମ୍ବୁଲାନ୍ସ ସେବା ଯୋଗାଇ ଦିଆଯିବ । ପ୍ରଥମ ପର୍ଯ୍ୟାୟରେ ଏହି ସେବା ଯଶୀପୁର, ବାଦାମପାହାଡ ଓ ଗୋରୁମହିଷାଣି ୩ଟି ସ୍ଥାନକୁ ଯୋଗାଇ ଦିଆଯାଇଛି । ଏହି ବାଇକରେ ସୁବିଧା ଅନୁଯାୟୀ ଏକ ସିଟ ପ୍ରସ୍ତୁତ କରାଯାଇଛି । ଏହି ସିଟକୁ ସୁବିଧା ଅନୁଯାୟୀ ସମ୍ପ୍ରସାରଣ କରିପାରିବେ ଅର୍ଥାତ୍ ରୋଗୀ ଚାହିଁଲେ ଶୋଇପାରିବେ ଓ ବସିପାରିବେ । ବାଇକରେ ଅମ୍ଳଜାନ ସିଲିଣ୍ଡର ସହ ସୁରକ୍ଷା ଜ୍ୟାକେଟ ମଧ୍ୟ ରଖାଯାଇଛି ।