ମାହାଙ୍ଗା ନାବାଳିକା ମୃତ୍ୟୁ ମାମଲାରେଆରକ୍ଷୀ ଅଧିକ୍ଷକଙ୍କ ଦ୍ୱାରସ୍ଥ ହେଲେ ବିଜେପି ମହିଳା ମୋର୍ଚ୍ଚା
ମାହାଙ୍ଗା(ବଡ଼ ଖବର ବ୍ୟୁରୋ): ବହୁ ଚର୍ଚ୍ଚିତ ମାହାଙ୍ଗା ନାବାଳିକା ମୃତ୍ୟୁ ଘଟଣା ଏବେ ବେଶ୍ ଚର୍ଚ୍ଚାର ବିଷୟ ପାଲଟିଛି । ଘଟଣା ଘଟିବାର ଦୀର୍ଘ ସମୟ ପରେ ମଧ୍ୟ ଘଟଣାର ସତ୍ୟତା ଲୋକଲୋଚନକୁ ନଆସିବା ଓ ଦୋଷୀଙ୍କୁ ଦଣ୍ଡ ନମିଳିବା ସାଧାରଣରେ ଅସନ୍ତୋଷ ସୃଷ୍ଟି ହୋଇଛି । ଶରତଙ୍କୁ ନିଲମ୍ବିତ କରାଯାଇଛି ହେଲେ ପୋଷ୍ଟମର୍ଟମ ନକରି ୨ମାସ ନିଷ୍କ୍ରିୟ ତଦନ୍ତ ପାଇଁ ପୋଲିସ ଉପରେ କାହିଁକି କାର୍ୟ୍ୟାନୁଷ୍ଠାନ ହୋଇନି ବୋଲି ପ୍ରଶ୍ନ ଉଠାଇଛି ବିଜେପି ।
୨ମାସରୁ ଅଧିକ ସମୟ ବିତି ଯାଇଥିଲେ ବି ପୋଲିସ କୌଣସି କାର୍ୟ୍ୟାନୁଷ୍ଠାନ କାହିଁକି ନେଇନାହିଁ ? ଡ଼ିଜିଙ୍କୁ ଭେଟି ଭାଇରାଲ୍ ଅଡିଓ ଶୁଣାଇ କର୍ୟ୍ୟନୁଷ୍ଠାନ ପାଇଁ ଦାବି କରିଥିଲା ବିଜେପି । ଡ଼ିଜି ତଦନ୍ତ ଆରମ୍ଭ କରିଛନ୍ତି । ଶରତ ରାଉତଙ୍କୁ ବିଜେଡ଼ି ଦଳରୁ ନିଲମ୍ବିତ କରିଛି । ପୂର୍ବତନ ମନ୍ତ୍ରୀ ପ୍ରତାପ ଜେନାଙ୍କୁ ତଦନ୍ତ ପରିସରଭୁକ୍ତ କରାଯାଉ ବୋଲି କହିଛନ୍ତି କଟକ ଜିଲ୍ଲା ସଦର ବିଜେପି ମହିଳା ମୋର୍ଚ୍ଚା ସଭାନେତ୍ରୀ ଯାଜ୍ଞସେନୀ ଜେନା।