ପାଟଣାଗଡ଼ (ବଡ଼ ଖବର ବ୍ୟୁରୋ): ପାଟଣାଗଡ ବ୍ଲକ ଲରମ୍ଭା ଥାନା ଘୁମେର ଗାଁରେ ଅଭାବନୀୟ ଘଟଣା । ଘୁମେର ଗାଁର ଲଷ୍ମୀଧର ସାହୁ ନିଜ ସ୍ତ୍ରୀ ରାଇମତିକୁ ଠେଙ୍ଗାରେ ପିଟିପିଟି ମାରିଦେଇଥିବା ଜଣାପଡିଛି । ସୂଚନାନୁସାରେ ଲକ୍ଷ୍ମୀଧର ତା ସ୍ତ୍ରୀ ସହିତ ସବୁଦିନ ଭଳି ପାଖ ଜଙ୍ଗଲକୁ ଟୋଲ ଗୋଟେଇବା ପାଇଁ ଯାଇଥିଲା । କୌଣସି କାରଣ ବଶତଃ ଦୁଇ ଜଣଙ୍କ ମଧ୍ୟରେ ବଚସା ହେବାରୁ ଲଷ୍ମୀଧର ରାଗିଯାଇ ଠେଙ୍ଗାରେ ପିଟି ପିଟି ମାରିଦେଇଥିବା ଜଣାପଡିଛି ।
ପରେ ଲଷ୍ମୀଧର ବହୁ ସମୟ ଜଙ୍ଗଲରେ ବୁଲିବା ପରେ ସନ୍ଧ୍ୟାରେ ଘରକୁ ଯାଇ ସବୁକଥା କହିଥିଲା । ଘରଲୋକ ଲରମ୍ଭା ପୋଲିସକୁ ଖବର ଦେଇଥିଲେ । ପୋଲିସ ଘଟଣାସ୍ଥଳକୁ ଯାଇ ରାତି ସାରା ଶବକୁ ଜଗି ରହିଥିଲା । ଆଜି ସକାଳୁ ସାଇଣ୍ଟିଫିକ ଟିମ ଆସି ଇନକ୍ୱାରି କଲାପରେ ଶବ ବ୍ୟବଛେଦ କରି ପରିବାର ଲୋକଙ୍କୁ ହସ୍ତାନ୍ତର କରାଯାଇଛି । ସ୍ୱାମୀ ଲଷ୍ମୀଧରକୁ ଲରମ୍ଭା ପୋଲିସ ଅଟକ ରଖି ଅଧିକ ତଦନ୍ତ ଜାରି ରଖିଛି । ଅନ୍ୟ ପକ୍ଷରେ ସ୍ୱାମୀ ସ୍ତ୍ରୀ ମଧ୍ୟରେ କେବେ ଝଗଡା ହେଉନଥିଲା ଦି ଜଣ ଭଲରେ ରହୁଥିଲେ ବୋଲି ତାଙ୍କ ବଡ ପୁଅ କହିଛନ୍ତି ।
