ଗିରଫ ହେଲେ ବାଂଲାଦେଶୀ ଅଭିନେତ୍ରୀ

ଭୁବନେଶ୍ୱର (ବଡ଼ ଖବର ବ୍ୟୁରୋ): କୋଲକାତାରୁ ଗିରଫ ହେଲେ ଅଭିନେତ୍ରୀ ଶାନ୍ତା ପଲ । ଅବୈଧ ଭାବେ ଭାରତରେ ବାସ କରୁଥିଲେ । ବହୁ ଜଣା ଶୁଣା ବାଂଲାଦେଶୀ ଅଭିନେତ୍ରୀ ଶାନ୍ତା ପଲଙ୍କୁ ପୋଲିସ କୋଲକାତାରୁ ଗିରଫ କରିଛି ।

ବହୁ ଦିନ ଧରି ବିନା କୌଣସି ବୈଧ ଆଇଡ଼ି କାର୍ଡରେ ସେ ଅବୈଧ ଭାବେ ଭାରତରେ ବାସ କରିଆସୁଥିଲେ । ଅଭିଯୁକ୍ତ ଶାନ୍ତା ବାଂଲାଦେଶର ଜଣେ ଜଣା ଶୁଣା ଅଭିନେତ୍ରୀ । ସେ ବାଂଲାଦେଶରେ ଅନେକ ଟିଭି ଚ୍ୟାନେଲ ଏବଂ ଶୋ’ରେ ଉପସ୍ଥାପିକା ଭାବେ ମଧ୍ୟ କାମ କରିଛନ୍ତି । ଏବଂ ସେଠାରେ ସେ ଅନେକ ସୌନ୍ଦର୍ଯ୍ୟ ପ୍ରତିଯୋଗିତାରେ ଭାଗ ମଧ୍ୟ ନେଇଛନ୍ତି । ୨୦୨୪ ର ଶେଷ ବେଳକୁ ସେ ଏକ ପୁରୁଷ ବନ୍ଧୁଙ୍କ ସହ ଏହି ଘର ଭଡ଼ାରେ ନେଇଥିଲେ । ପଚରାଉଚରା ସମୟରେ ଶାନ୍ତା ପଲ ପୋଲିସକୁ କୌଣସି ସନ୍ତୋଷଜନକ ଉତ୍ତର ଦେଇପାରିନଥିଲେ । ଯେଉଁଥିପାଇଁ ପୋଲିସ ତାଙ୍କୁ କୋଲକାତାର ଯାଦବପୁର ଅଞ୍ଚଳରୁ ଗିରଫ କରିଥିଲା ।

ଗିରଫ କରିବା ସମୟରେ ପୋଲିସ ଅଭିଯୁକ୍ତ ଶାନ୍ତାଙ୍କ ଠାରୁ ଦୁଇଟି ଆଧାର କାର୍ଡ, ଗୋଟିଏ ଭୋଟର ଆଇଡି କାର୍ଡ ଏବଂ ଗୋଟିଏ ରାସନ କାର୍ଡ ଜବତ କରିଛି । ଜବତ କରାଯାଇଥିବା ଦୁଇଟି ଆଧାର କାର୍ଡ ଦୁଇଟି ଭିନ୍ନ ଭିନ୍ନ ଠିକଣାରେ ପଞ୍ଜିୀକୃତ, ଗୋଟିଏ କୋଲକାତାରେ ଓ ଅନ୍ୟଟି ବର୍ଦ୍ଧମାନରେ । କୋଲକାତା ପୋଲିସ ଯୁଗ୍ମ ସଚିବ ରୂପେଶ କୁମାର କହିଛନ୍ତି, ଗୋଟିଏ ଅଭିଯୁକ୍ତ ଆଧାରରେ ଆମେ ଏହି ମାମଲା ରୁଜୁ କରି, ମହିଳା ଅଭିଯୁକ୍ତଙ୍କୁ ଗିରଫ କରିଛୁ । ମହିଳା ଜଣଙ୍କ ଏବେ ପୋଲିସ ହେପାଜତରେ ଅଛନ୍ତି । ଏହି ମାମଲାର ତଦନ୍ତ ଏବେ ବି ଜାରି ରହିଛି ।