ନେତା ନେଲେ ଟଙ୍କା!
ରେମୁଣା (ବଡ଼ ଖବର ବ୍ୟୁରୋ): ରେମୁଣା ବିଜେଡି ବିଧାୟକ ସୁଧାଂଶୁ ଶେଖର ପରିଡ଼ାଙ୍କ ନାଁରେ ସଙ୍ଗୀନ ଅଭିଯୋଗ । ନେଇଛନ୍ତି ଲକ୍ଷ ଲକ୍ଷ ଟଙ୍କା ହେଲେ ଫେରାଇନାହାନ୍ତି । ଯାହାକୁ ନେଇ ମାମଲା ଏବେ କୋର୍ଟରେ ପହଂଛିଛି । ଚାନ୍ଦିପୁର ଥାନା ରଣସାହିର ତନ୍ମୟ ମହାନ୍ତିଙ୍କଠାରୁ ୧୩ଲକ୍ଷ ଟଙ୍କା ନେଇଥିଲେ ରେମୁଣା ବିଜେଡି ବିଧାୟକ ସୁଧାଂଶୁ ଶେଖର ପରିଡା । ବାରମ୍ବାର କହିବା ପରେ ମଧ୍ୟ ରେମୁଣା ବିଜେଡି ବିଧାୟକ ସୁଧାଂଶୁ ପରିଡା ଟଙ୍କା ଫେରାଇନଥିବା ଅଭିଯୋଗ ହୋଇଛି ।
ବହୁ କହିବା ପରେ ଫେରାଇଥିଲେ ୫ଲକ୍ଷ । ହେଲେ ୨୦୧୯ ନିର୍ବାଚନ ପୂର୍ବରୁ ପୁଣି ୬ଲକ୍ଷ ଟଙ୍କା ନେଇଥିଲେ । ହେଲେ ସମସ୍ତ ଟଙ୍କାକୁ ଆଉ ଫେରାଇନଥିବା ଅଭିଯୋଗ ହୋଇଛି । ଯାହାକୁ ନେଇ କୋର୍ଟର ଦ୍ୱାରସ୍ତ ହୋଇଥିଲେ ତନ୍ମୟ ମହାନ୍ତି । ଆଇପିସି ଧାରା ୪୧୭, ୪୧୯ ଏବଂ ୪୨୦ରେ ମାମଲା ରୁଜୁ କରାଯାଇଛି ।