https://youtu.be/sFZKJlj84t0
ଭୁବନେଶ୍ୱର (ବଡ଼ ଖବର ବ୍ୟୁରୋ): ଓଡ଼ିଆ ସିନେମା ବଞ୍ଚାଇବା ପାଇଁ ପ୍ରଯୋଜିକା ସନଲିସା ପଟେଲ ଆରମ୍ଭ କରିଛନ୍ତି ଓଡ଼ିଆ ଚଳଚ୍ଚିତ୍ର ବଞ୍ଚାଅ ଅଭିଯାନ । ଓଡ଼ିଆ ସିନେମା ବଞ୍ଚାଇବା ପାଇଁ ପ୍ରଯୋଜିକା ସନଲିସା ପଟେଲ ଆରମ୍ଭ କରିଥିବା ଅଭିଯାନ ଚାରିଦିନରେ ପହଞ୍ଚିଛି । ୫ ଦଫା ଦାବି ନେଇ ସନଲିସା ଧାରଣା ଦେଇଥିବା ବେଳେ ପ୍ରତିଦିନ ଚଳଚ୍ଚିତ୍ର ଜଗତ ସହିତ ଜଡ଼ିତ ବ୍ୟକ୍ତିବିଶେଷ ତାଙ୍କ ସହିତ ସାମିଲ ହୋଇ ତାଙ୍କର ଏହି ଅଭିଯାନକୁ ସମର୍ଥନ ଜଣାଉଛନ୍ତି । ଆସନ୍ତା ମଙ୍ଗଳବାର ୫ ଦଫା ଦାବି ନେଇ ସରକାରଙ୍କ ସହିତ ଆଲୋଚନା ହେବ ବୋଲି ସୂଚନା ମିଳିଛି । ଚଳଚ୍ଚିତ୍ର ଶିଳ୍ପର ସମସ୍ତ ବିଭାଗୀୟ ସଦସ୍ୟଙ୍କୁ ନେଇ ଗଠନ ହୋଇଛି ‘ମୋ ସିନେମା’ ଫୋରମ ।
ଏହି ଫୋରମ ଜରିଆରେ ଓଡ଼ିଆ ଚଳଚ୍ଚିତ୍ର ଶିଳ୍ପର ଅଗ୍ରଗତି ପାଇଁ କାର୍ଯ୍ୟପନ୍ଥା ଗ୍ରହଣ କରିବ ବୋଲି ଜଣାପଡ଼ିଛି । କଳାକାର, ପ୍ରଯୋଜକ, ନିଦେ୍ର୍ଦଶକ, କ୍ୟାମେରାମ୍ୟାନ, ସଙ୍ଗୀତ ନିଦେ୍ଦଶକ, ସଂଳାପକାରଙ୍କ ସହିତ ବିଭିନ୍ନ ବିଭାଗ କର୍ମକର୍ତ୍ତା ଯୋଗଦେଇ ‘ମୋ ସିନେମା’ ଗଠନ କରିଛନ୍ତି ।
ରବିବାର ଏକାଧିକ ସଦସ୍ୟ ଏକାଠି ହୋଇ ମଙ୍ଗଳବାର ଓଡ଼ିଶା ଚଳଚ୍ଚିତ୍ର ଉନ୍ନୟନ ନିଗମ ନେତୃତ୍ୱରେ ହେବାକୁ ଥିବା ଆଲୋଚନାରେ କ’ଣ କ’ଣ ପ୍ରସଙ୍ଗ ଉତ୍ଥାପନ ହେବ ଓ କେଉଁମାନେ ଭାଗନେବେ ସେନେଇ ଆଲୋଚନା କରାଯାଇଛି । ବୈଠକରେ ନିଦେ୍ର୍ଦଶକ ସବ୍ୟସଚୀ ମହାପାତ୍ର, ଅବତାର ସିଂ, ଦିଲ୍ଲୀପ ପଣ୍ଡା, ବବି ଇସଲାମ, ତାପସ ସରଘରିଆ, ଗିରୀଶ ମହାନ୍ତି, ଅଭିନେତ୍ରୀ ମହେଶ୍ୱେତା ରାୟ, ଅପରାଜିତା ମହାନ୍ତି, ପ୍ରଭାତ ପଣ୍ଡା , ପିଙ୍କି ପ୍ରଧାନ, ବୁଦ୍ଧାଦିତ୍ୟ ମହାନ୍ତି , ସୋହମ ସିଂ, ଅଖିଳ ପଟ୍ଟନାୟକ ପ୍ରମୁଖ ଉପସ୍ଥିତ ଥିଲେ । ଏହି ଅବସରରେ ବରିଷ୍ଠ ଅଭିନେତ୍ରୀ ମହେଶ୍ୱେତା ରାୟଙ୍କୁ ‘ମୋ ସିନେମା’ ଫୋରମର ମୁଖପାତ୍ର ଭାବେ ଦାୟିତ୍ୱ ପ୍ରଦାନ କରାଯଇାଥିଲା ।
