ପୋଲିସ ଭୁଲିଗଲା ମାନବିକତା
ଉଦଳା (ବଡ଼ ଖବର ବ୍ୟୁରୋ): ପୋଲିସ ଭୁଲିଗଲା ମାନବିକତା । ହେଲମେଟ୍ ଚେକିଂ ଆଳରେ ଜଣେ ଗର୍ଭବତୀ ଚାଲି ଚାଲି ୩ କିଲୋମିଟର ଦୂରରେ ଥିବା ଥାନାକୁ ଗଲେ । ଏଭଳି ଘଟଣା ଦେଖିବାକୁ ମିଳିଛି ମୟୂରଭଞ୍ଜ ଜିଲ୍ଲା ଶରତ ଥାନା ଅଞ୍ଚଳରେ । ବିକ୍ରମ ବିରୁଲି ତାଙ୍କ ୮ମାସର ଗର୍ଭବତୀ ସ୍ତ୍ରୀଙ୍କୁ ବାଇକ ଧରି ଡାକ୍ତରଖାନା ଚେକ୍ ଅପ୍ ପାଇଁ ଯାଉଥିଲେ । ଶରତ ଛକ ନିକଟରେ ସ୍ଥାନୀୟ ପୋଲିସ ବିକ୍ରମଙ୍କୁ ଅଟକାଇଥିଲା ।
ବିକ୍ରମଙ୍କର ଗାଡ଼ିର କାଗଜପତ୍ର ଠିକ୍ ଥିବା ବେଳେ ସେ ହେଲମେଟ୍ ପିନ୍ଧିଥିଲେ । ମାତ୍ର ତାଙ୍କ ସ୍ତ୍ରୀ ହେଲମେଟ୍ ପିନ୍ଧି ନଥିବାରୁ ପୋଲିସ ଚାଲାଣ କାଟିଥିଲା । ପ୍ରତିବାଦ କରିଥିଲେ ବିକ୍ରମ । ମାତ୍ର ପୋଲିସ ବିକ୍ରମଙ୍କ ବାଇକକୁ ନିଜ ହେପାଜତକୁ ନେଇ ତାଙ୍କୁ ଜିପରେ ବସାଇ ଥାନାକୁ ନେଇଯାଇଥିଲା । ତାଙ୍କ ସ୍ତ୍ରୀ ଚେକିଂ ସ୍ପଷ୍ଟରୁ ଚାଲି ଚାଲି ଥାନାକୁ ଯାଇଥିଲେ । ଥାନା ଅଧିକାରିଣୀ ଜଣେ ମହିଳା ହୋଇ ମଧ୍ୟ ମାନବିକତା ଭୁଲିଗଲେ କେମିତି । ଏହି ଘଟଣା ପ୍ରଚାର ହେବାରୁ ଏସପି ଥାନା ଅଧିକାରିଣୀ ରୀନା ବକ୍ସଲାଙ୍କୁ ନିଲମ୍ବିତ କରିଛନ୍ତି ।