ବାଘଛାଲ ଜବତ, ଜଣେ ଗିରଫ

ନାଟକିଦେଉଳ (ବଡ଼ ଖବର ବ୍ୟୁରୋ): ଜବତ ହେଲା ବାଘଛାଲ । ସମ୍ବଲପୁର ଜିଲ୍ଲା ରେଢ଼ାଖୋଲ ବନଖଣ୍ଡ ନାକଟିଦେଉଳ ରେଞ୍ଜର ପେଣ୍ଠବାହାଳ ନିକଟସ୍ଥ ଚମ୍ପାଳି ନଦୀ ନିକଟରୁ ଏସଟିଏଫ ର ଏକ ସ୍ୱତନ୍ତ୍ର ଟିମ ଚଢ଼ାଉ କରି ବାଘ ଛାଲ ଜବତ କରିଛି । ସମ୍ପୃକ୍ତ ଆସାମୀଙ୍କୁ ଗିରଫ କରିଛି ଏସଟିଏଫ । ରେଢ଼ାଖୋଲ ଦେବଗଡ଼ ରାସ୍ତାରେ କଲରା ପତରିଆ ବାଘ ଛାଲ ଧରି ଜଣେ ଯୁବକ ଚାଲାଣ କରିବାକୁ ଉଦ୍ୟମ କରୁଥିଲେ । କୌଣସି ସୂତ୍ରରୁ ଖବର ପାଇ ଭୁବନେଶ୍ୱରର କ୍ରାଇମବ୍ରାଞ୍ଚର ଏକ ସ୍ୱତନ୍ତ୍ର ଏସଟିଏଫ ଟିମ ନାକଟିଦେଉଳ ଥାନା ପେଣ୍ଠବାହାଳ ନିକଟ ଚମ୍ପାଳି ନଦୀ ପୋଲ ଉପରେ ଚଢ଼ାଉ କରିଥିଲା ।