ଆମେରିକା: ବ୍ୟାନ ହେଲା ଡୋନାଲ୍ଡ ଟ୍ରମ୍ପଙ୍କ ଟ୍ୱିଟର ଆକାଉଂଟ । ଆମେରିକାର ବିଦାୟୀ ରାଷ୍ଟ୍ରପତି ଡ଼ୋନାଲ୍ଡ ଟ୍ରମ୍ପଙ୍କ ଟ୍ୱିଟର ଆକାଉଂଟ ସବୁଦିନ ପାଇଁ ସ୍ଥାୟୀଭାବେ ବ୍ୟାନ କଲା ଟ୍ୱିଟର । ଟ୍ରମ୍ପ ଟ୍ୱିଟ କରି ଭୁଲ ସୂଚନା ଦେବା ସହ ହିଂସାକୁ ପ୍ରବର୍ତାଉଥିବା ଅଭିଯୋଗରେ ଏପରି କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିଛି ଟ୍ୱିଟର । ପୂର୍ବରୁ ମଧ୍ୟ ଟ୍ରମ୍ପଙ୍କ ଫେସବୁକ ଓ ଇନଷ୍ଟାଗ୍ରାମ ଆକାଉଂଟକୁ ଅସ୍ଥାୟୀ ଭାବେ ବ୍ୟାନ କରିଛି ଟ୍ୱିଟର । ଗୁରୁବାର ଆମେରିକାର ରାଷ୍ଟ୍ରପତି ନିର୍ବାଚନରେ ଫଳାଫଳ ଭୁଲ ବୋଲି ଅଭିଯୋଗ କରିଥିଲେ ଟ୍ରମ୍ପ । ଏହାପରେ ଟ୍ରମ୍ପଙ୍କ ସମର୍ଥକମାନେ ଆମେରିକାର ସଂସଦ ପରିସର ମଧ୍ୟରେ ଧସେଇ ପସିବା ସହିତ ଆନ୍ଦୋଳନ କରିଥିଲେ । ଏଥିରେ ଟ୍ରମ୍ପଙ୍କ ସମର୍ଥକ ଓ ପୋଲିସ ମଧ୍ୟରେ ଧସ୍ତାଧସ୍ତି ହୋଇଥିଲା । ଏଥିରେ ୪ଜଣଙ୍କ ମୃତ୍ୟୁ ହୋଇଥିବା ବେଳେ ଜଣେ ପୋଲିସ କର୍ମୀଙ୍କର ମଧ୍ୟ ମୃତ୍ୟୁ ଘଟିଛି ।
