୨୬ କ୍ୱିଣ୍ଟାଲ ମହୁଲ ଫୁଲ ଜବତ

ପାଟଣାଗଡ (ବଡ଼ ଖବର ବ୍ୟୁରୋ): ୨୬ କ୍ୱିଣ୍ଟାଲ ମହୁଲ ଫୁଲ ଜବତ କଲା ପାଟଣାଗଡ ଅବକାରି ବିଭାଗ । ତା ସହ ଏକ ବୋଲେରୋ ପିକଅପ ଗାଡିକୁ ଜବତ କରିବା ସହ ଡ୍ରାଇଭରକୁ ଗିରଫ କରିଛି । ସୂଚନା ଅନୁଯାୟୀ ଗତକାଲି ରାତିରେ ଅବକାରୀ ଟିମ ପାଟ୍ରୋଲିଂ କରୁଥିବା ସମୟରେ ରେଙ୍ଗାଲି – ଖୁର୍ସେଲ ରାସ୍ତାରେ ଏକ ପିକଅପ ଗାଡି ମହୁଲ ଫୁଲ ନେଇ ଯାଉଥିବା ଜାଣି ତାକୁ ଅଟକାଇଥିଲେ ।

ଗାଡିରୁ ୨୫.୫୨ କ୍ୱିଂଟାଲ ମହୁଲ ଫୁଲ ଥିବାରୁ ତାକୁ ଜବତ କରିବା ସହ ଗାଡିକୁ ଅଟକ ରଖିଥିଲେ । ଗାଡି ଡ୍ରାଇଭର ଅନନ୍ତ ସାହୁଙ୍କୁ ଗିରଫ କରିଥିବା ବେଳେ ଏନେଇ ଆହୁରି ତଦନ୍ତ ଚାଲିଥିବା ଅବକାରୀ ଇନ୍ସପେକ୍ଟର ରାଜକୁମାର ବେହେରା ସୂଚନା ଦେଇଛନ୍ତି ।