ଇସ୍ତଫା ଦେବେ ପଶ୍ଚିମବଙ୍ଗ ବିଜେପିର ଦୁଇ ବିଧାୟକ

କୋଲକାତା(ବଡ଼ ଖବର ବ୍ୟୁରୋ): ପଶ୍ଚିମବଙ୍ଗ ବିଧାନସଭା ନିର୍ବାଚନରେ ବିଜୟୀ ହୋଇଥିବା ଦୁଇ ନେତା ନିଜ ବିଧାୟକ ପଦରୁ ଇସ୍ତଫା ଦେବେ । ସେମାନେ ହେଲେ ନିସିଥ ପ୍ରମାଣିକ ଏବଂ ଜଗନ୍ନାଥ ସରକାର । ଦିନହାଟ ଏବଂ ଶାନ୍ତିପୁରରୁ ବିଧାୟକ ଭାବେ ନିର୍ବାଚିତ ହୋଇଥିଲେ ।

ସେମାନେ ଇସ୍ତଫା ଦେବାର କାରଣ ହେଉଛି ଦୁଇ ବିଜେପି ନେତା ସାଂସଦ ପଦରେ ରହିଛନ୍ତି । ସାଂସଦ ଥିବା ସମୟରେ ବିଧାୟକ ପଦ ପାଇଁ ନିର୍ବାଚିତ ହୋଇଥିଲେ । ଏଭଳି ସ୍ଥିତିରେ ସାଂସଦ ବା ବିଧାୟକ ଯେକୌଣସି ଗୋଟିଏ ପଦରେ ହିଁ ରହିପାରିବେ । କେନ୍ଦ୍ରୀୟ ନେତୃତ୍ୱ ଆଲୋଚନା ପରେ ଏହି ନେତା ଦଳରୁ ଇସ୍ତଫା ଦେବା ନେଇ ନିଷ୍ପତ୍ତି ନିଆଯାଇଛି । ତେବେ ଉଭୟ ନେତା ଶୁକ୍ରବାର ବିଧାୟକ ଭାବରେ ଶପଥ ଗ୍ରହଣ ମଧ୍ୟ କରିନଥିଲେ ।