ଓଡ଼ିଶାରେ ୪୦୦ ଟିକାକରଣ କେନ୍ଦ୍ର ବନ୍ଦ
ଭୁବନେଶ୍ୱର (ବଡ଼ ଖବର ବ୍ୟୁରୋ): କରୋନା ଟିକାକୁ ନେଇ କେନ୍ଦ୍ର ଓ ରାଜ୍ୟ ସରକାର ମୁହାଁମୁହିଁ । ଆବଶ୍ୟକ ଟିକା ନଥିବାରୁ ରାଜ୍ୟରେ ୪ଶହ ଟିକାଦାନ କେନ୍ଦ୍ର ବନ୍ଦ ରହିଛି । ୧୧୦୩ କେନ୍ଦ୍ରରେ ଟିକାକରଣ ଚାଲିଛି । ରାଜ୍ୟକୁ ୧୫ଲକ୍ଷ ଡୋଜ ଟିକା ତୁରନ୍ତ ଯୋଗାଇ ଦେବା ପାଇଁ ମଙ୍ଗଳବାର ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ସଚିବ ପି.କେ. ମହାପାତ୍ର କେନ୍ଦ୍ର ସରକାରଙ୍କୁ ଚିଠି ଲେଖିଥିଲେ ।
ତୁରନ୍ତ ଟିକା ଯୋଗାଇ ନଦେଲେ ରାଜ୍ୟରେ ଟିକାକରଣ ଗୁରୁତ୍ତର ପ୍ରଭାବିତ ହେବ ବୋଲି ଏହି ଚିଠିରେ ଉଲ୍ଲେଖ କରାଯାଇଛି । ରାଜ୍ୟ ସରକାରଙ୍କ ଏହି ଚିଠିର ଉତ୍ତର ଦେଇଛନ୍ତି କେନ୍ଦ୍ର ସରକାର । କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରୀ ଡ.ହର୍ଷବର୍ଦ୍ଧନ ଏକ ଚିଠିରେ ଉଲ୍ଲେଖ କରିଛନ୍ତି ଯେ ଦେଶର ସମସ୍ତ ରାଜ୍ୟ ଓ କେନ୍ଦ୍ର ଶାସିତ ଅଂଚଳକୁ ଆବଶ୍ୟକ ଟିକା ଯୋଗାଇ ଦିଆଯାଇଛି । ଏଠି ପ୍ରଶ୍ନ ଉଠୁଛି ସତ କିଏ କହୁଛନ୍ତି କେନ୍ଦ୍ର ନା ରାଜ୍ୟ ସରକାର?
