ଭିଜିଲାନ୍ସ ଜାଲରେ ଗ୍ରାମୀଣ ଉନ୍ନୟନ ବିଭାଗ ମୁଖ୍ୟଯନ୍ତ୍ରୀ
ଅନୁଗୁଳ(ବଡ଼ ଖବର ବ୍ୟୁରୋ): ଭିଜିଲାନ୍ସ ଜାଲରେ RWର ମୁଖ୍ୟଯନ୍ତ୍ରୀ । ଅନୁଗୁଳ RW ଡିଭିଜନ ମୁଖ୍ୟଯନ୍ତ୍ରୀ ବୈକୁଣ୍ଠନାଥ ଷଡଙ୍ଗୀଙ୍କ ଘରେ ଚାଲିଛି ରେଡ୍ । ଆୟ ବର୍ହିଭୂତ ସମ୍ପତ୍ତି ଠୁଳ ଅଭିଯୋଗରେ ଚାଲିଛି ରେଡ୍ । ଭୁବନେଶ୍ୱର, ପୁରୀ, ଅନୁଗୁଳର ୭ଟି ସ୍ଥାନରେ ଚାଲିଛି ରେଡ୍ । ଅନୁଗୁଳ କାରଡାଗାଡ଼ିଆସ୍ଥିତ ବାସଭବନ, ଲକେଇପସି, ମାଟିଆସାହି ଏବଂ ଶିକ୍ଷକପଡ଼ାରେ ଚାଲିଛି ରେଡ ।
Related Posts
ଢେଙ୍କାନାଳ ଦୁର୍ନୀତି ନିବାରଣ ବିଭାଗର ଡେପୁଟି ସୁପରିଣ୍ଟେଣ୍ଡେଣ୍ଟ ଅଫ ପୋଲିସ ଅନୁଷ୍କା ସେନାପତିଙ୍କ ନେତୃତ୍ୱରେ ଅନୁଗୁଳ ଜିଲ୍ଲାର ୪ଟି ସ୍ଥାନରେ ଚଢ଼ାଉ କରିଛି । ରେଡ୍ ବେଳେ ଘରୁ ପୁଳାପୁଳା ଟଙ୍କା ମିଳିଥିବା ସୂଚନା ମିଳିଛି । କରଡ଼ାଗାଡ଼ିଆରୁ କୋଟିଏ ୪୦ ଲକ୍ଷ ଟଙ୍କା ନଗଦ ବର୍ତ୍ତମାନ ସୁଦ୍ଧା ମିଳିଥିବା ଜଣା ପଡ଼ିଛି । ତେବେ ଯାହା ଜଣାପଡିଛି ଆଉ କିଛି ଦିନ ପରେ ତାଙ୍କର ଚାକିରି କାର୍ୟ୍ୟକାଳ ସରିଥାନ୍ତା । ହେଲେ ଅବସର ପୂର୍ବରୁ ମାଡିବସିଛି ଭିଜିଲାନ୍ସ ।