ମହାରାଷ୍ଟ୍ରରେ ୱିକେଣ୍ଡ ଲକଡାଉନ

ମହାରାଷ୍ଟ୍ର ( ବଡ଼ ଖବର ବ୍ୟୁରୋ): ସାରା ଦେଶରେ କରୋନା ସ୍ଥିତି ଅଣାୟତ । ତେବେ ଏହାର ହଟସ୍ପଟ ପାଲଟିଛି ମହାରାଷ୍ଟ୍ର । ମହାରାଷ୍ଟ୍ରରେ ଦୈନିକ ସଂକ୍ରମଣ ୫୦ ହଜାର ପାର କରୁଛି । ଯାହାକି ରାଜ୍ୟ ସରକାରଙ୍କ ଚିନ୍ତା ବଢାଉଛି । ଏହାକୁ ଦୃଷ୍ଟିରେ ରଖି ରାଜ୍ୟ ସରକାର କଠୋର ନିଷ୍ପତି ନେଇଛନ୍ତି । ରାତ୍ରିକାଳୀନ କର୍ଫ୍ୟୁ ସହିତ ୱିକେଣ୍ଡ ଲକଡାଉନ ଘୋଷଣା କରାଯାଇଛି ।

ସୋମବାରଠାରୁ ସାରା ରାଜ୍ୟରେ ରାତି ୮ ରୁ ସକାଳ ୭ ପର୍ଯ୍ୟନ୍ତ କର୍ଫ୍ୟୁ ଲାଗୁ ହେବ । ଏପ୍ରିଲ ୩୦ ପର୍ଯ୍ୟନ୍ତ ଏହା ବଳବତ୍ତର ରହିବ । ସେହିପରି ଶୁକ୍ରବାର ରାତି ୮ ରୁ ସୋମବାର ୭ ପର୍ଯ୍ୟନ୍ତ ରାଜ୍ୟରେ ସମ୍ପୂର୍ଣ୍ଣ ଲକଡାଉନ କାର୍ଯ୍ୟକାରୀ ହେବ । ଫଳରେ ଶନିବାର ଓ ରବିବାର ରାଜ୍ୟକୁ ଲକଡାଉନ ଘୋଷଣା କରାଯାଇଛି । ସେପଟେ ରବିବାର ମହାରାଷ୍ଟ୍ର ଜୁହୁ ବିଚରେ ଲୋକଙ୍କ ଭିଡ ଦେଖିବାକୁ ମିଳିଥିଲା । ଶହ ଶହ ଲୋକ କରୋନା କଟକଣାକୁ ଖାତିର ନକରି ବୁଲୁଥିବାର ଦୃଶ୍ୟ ଦେଖିବାକୁ ମିଳିଥିଲା ।