ସାଉଦି ଆରବରେ କରୋନା ଆତଙ୍କ

ବ୍ରିଟେନ୍ ପରେ ଏବେ ସାଉଦି ଆରବକୁ ଘାରିଛି କରୋନା ଭାଇରସର ନୂଆ ଷ୍ଟ୍ରେନ । କୋଭିଡ୍-୧୯ର ଏହି ଷ୍ଟ୍ରେନ୍ ଦ୍ରୁତଗତିରେ ସଂକ୍ରମଣ ହେଉଥିବାରୁ ସାଉଦି ଆରବରୁ ଯିବା ଆସିବା ଉଡାଣ ଉପରେ ପ୍ରତିବନ୍ଧକ ଘୋଷଣା କରାଯାଇଛି । ଦେଶର ଆନ୍ତର୍ଜାତୀୟ ବିମାନ ସମେତ ସଡକପଥ ଓ ଜଳପଥର ସମସ୍ତ ମାର୍ଗ ବନ୍ଦ ରଖାଯାଇଛି । ଏହାସହ ସମସ୍ତ ରାସ୍ତାରେ ଗୋଟିଏ ସପ୍ତାହ ପାଇଁ ପ୍ରବେଶ ନିଷେଧ କରାଯାଇଛି । ସାଉଦି ସରକାରଙ୍କ ପକ୍ଷରୁ କୁହାଯାଇଛି କିଛି ଜରୁରୀକାଳୀନ ଛାଡି ସମସ୍ତ ଆନ୍ତର୍ଜାତୀୟ ବିମାନକୁ ଗୋଟିଏ ସପ୍ତାହ ଯାଏଁ ବନ୍ଦ ରଖାଯାଇଛି । ଯଦି ସ୍ଥିତିରେ କିଛି ପରିବର୍ତ୍ତନ ନହେଲେ ଆହୁରି ସପ୍ତାହେ କଟକଣା ବଢାଇ ଦିଆଯାଇପାରେ । ସଡକ ଓ ସମୁଦ୍ରପଥ ଦେଇ ମଧ୍ୟ ସାଉଦିକୁ ପ୍ରବେଶ କରିହେବ ନାହିଁ । କେବଳ କିଙ୍ଗଡମରେ ଉପସ୍ଥିତ ଥିବା ଅନ୍ତର୍ଜାତୀୟ ବିମାନକୁ ବାହାରକୁ ଯିବାକୁ ଅନୁମତି ରହିଛି ।