ଜୟପାଟଣା (ବଡ଼ ଖବର ବ୍ୟୁରୋ) : ସ୍ୱାଧିନତାର ଦୀର୍ଘ ବର୍ଷ ପରେ ବି ମୌଳିକ ସୁବିଧାରୁ ବଞ୍ଚିତ ଲୋକେ । ନାଁ ଅଛି ଭଲ ପିଇବା ପାଣି ନାଁ ଅଛି ସ୍ୱାସ୍ଥ୍ୟ ସେବା । ବିଦ୍ୟୁତ ସେବା ମଧ୍ୟ ଅପହଁଚ । ଏହି ଦୃଶ୍ୟ ଦେଖିବାକୁ ମିଳିଛି ଜୟପାଟଣା ବ୍ଲକ ପାଇକେନ୍ଦୁମୁଣ୍ଡି ପଂଚାୟତର ଉପରଆଁଟି ଗାଁର । ୪କିଲୋମିଟର ଜଙ୍ଗଲ ଭିତରେ ରହିଛି ଏହି ଗାଁ । ଏଠାରେ ବାସ କରନ୍ତି ୧୫ ପରିବାର ।
ଏମାନଙ୍କୁ ୪ବର୍ଷ ହେବ ଖାଇବା ଚାଉଳ ମିଳୁନାହିଁ । ଯାତାୟତ କରିବା ପାଇଁ ଭଲ ରାସ୍ତା ଖଣ୍ଡେ ମଧ୍ୟ ନାହିଁ । ଗ୍ରାମରେ ଭଲ ପିଇବା ପାଣି ମଧ୍ୟ ନାହିଁ ପାଣି ପାଇଁ କେବଳ ଝରଣାର ହିଁ ଭରସା, ଝରଣାର ପାଣି ପିଇଲେ ଲୋକଙ୍କୁ ଜ୍ୱର, କାଶ, ଚର୍ମ ରୋଗ ହୋଇଥାଏ । ଗାଁର ଏଭଳି ବ୍ୟବସ୍ଥା ନେଇ ବିଡିଓଙ୍କୁ ପ୍ରଶ୍ନ କରିବାରୁ ଏହାର ଶୀଘ୍ର ସମାଧାନ ହେବ ବୋଲି ପ୍ରତିଶୃତି ଦେଇଛନ୍ତି ।
