(ବଡ଼ ଖବର ବ୍ୟୁରୋ): ଚାଲିଛି ତାଲିବାନୀଙ୍କ ଶାସନ । ବଳି ପଡୁଛନ୍ତି ନିରୀହ ଜନତା । କିନ୍ତୁ ଏହାରି ମଧ୍ୟରେ ସାମନାକୁ ଆସିଛି ଆଫଗାନିସ୍ତାନର କିଏ ହେବେ ପରବର୍ତ୍ତୀ ରାଷ୍ଟ୍ରମୁଖ୍ୟ । ତାଲିବାନର ବରିଷ୍ଠ ସଦସ୍ୟ ମୁଲ୍ଲା ମହମ୍ମଦ ହସନ ଅଖୁନ୍ଦଙ୍କୁ ନୂଆ ରାଷ୍ଟ୍ରମୁଖ୍ୟ ହୋଇପାରନ୍ତି । ଅନ୍ତର୍ଜାତୀୟ ଗଣମାଧ୍ୟମର ସୂଚନା ଅନୁସାରେ ତାଲିବାନର ସର୍ବୋଚ୍ଚ କମାଣ୍ଡର ହୈବତୁଲ୍ଲା ଅଖୁନ୍ଦଜାଦା, ଅଫଗାନିସ୍ତାନର ରାଷ୍ଟ୍ରପତି ଭାବେ ହସନ ଅଖୁନ୍ଦଙ୍କ ନାମକୁ ସୁପାରିଶ କରିଥିଲେ ।
ମୁଲ୍ଲା ମହମ୍ମଦ ହସନ ଅଖୁନ୍ଦ ଏବେ ନେତୃତ୍ୱ ପରିଷଦର ମୁଖ୍ୟ ଅଛନ୍ତି । ସେ ପ୍ରାୟ ୨୦ ବର୍ଷ କାମ କରି ଧରି କାମ କରିଛନ୍ତି । ଆଉ ଆଫଗାନ ସରକାରରେ ମୁଲ୍ଲା ମହମ୍ମଦ ହସନ ଅଖୁନ୍ଦଙ୍କ ପ୍ରତିନିଧି ଭାବେ ତାଲିବାନ ନେତା ମୁଲ୍ଲା ବରାଦର ଓ ମୁଲ୍ଲା ଅବଦୁସ ସଲାମ କାମ କରିବେ । ଏହି ତିନି ଜଣ ନେତା ଇସଲାମିକ୍ ଏମିରେଟସ ଆଫଗାନିସ୍ତାନର ସରକାରର ନେତୃତ୍ୱ ନେବେ ବୋଲି ଖୋଦ୍ ଅଖୁନ୍ଦଜାଦା ସୁପାରିଶ କରିଥିବା ଚର୍ଚ୍ଚା ହେଉଛି । ଆସନ୍ତା ବୁଧବାର ଆଫଗାନିସ୍ତାନରେ ତାଲିବାନର ସରକାର ଗଠନ ହୋଇପାରେ ବୋଲି ସ୍ଥାନୀୟ ଗଣମାଧ୍ୟମରୁ ସୂଚନା ମିଳିଛି ।
