ଭୁବନେଶ୍ଵର (ବଡ଼ ଖବର ବ୍ୟୁରୋ): କିଛିଦିନ ପୂର୍ବରୁ କରୋନାରେ ଆକ୍ରାନ୍ତ ହୋଇ ସୁସ୍ଥ ହୋଇଥିଲେ ଭୁବନେଶ୍ବରର ୪୭ ବର୍ଷୀୟ ଦିଲ୍ଲୀପ ଦାସ । କରୋନାରୁ ସୁସ୍ଥ ହେବାର ୫ଦିନ ପରେ ତାଙ୍କ ସ୍ଵାସ୍ଥ୍ୟବସ୍ଥା ସାଙ୍ଘାତିକ ଭାବେ ବିଗିଡିଥିଲା । ନିଶ୍ଵାସ ପ୍ରଶ୍ବାସ ନେବାରେ ତାଙ୍କର ଅସୁବିଧା ହୋଇଥିଲା । ପରିବାର ଲୋକେ ତାଙ୍କୁ ଭୁବନେଶ୍ଵରର ଏକ ଘରୋଇ ହସ୍ପିଟାଲରେ ଚିକିତ୍ସା ପାଇଁ ଭର୍ତ୍ତି କରିଥିଲେ । କିନ୍ତୁ ସ୍ବାସ୍ଥ୍ୟବସ୍ଥାରେ ସୁଧାର ଆସୁନି । ଚିକିତ୍ସା ପାଇଁ ତାଙ୍କୁ ବାହାରକୁ ନେବାକୁ ହେବ । ହେଲେ ଦିଲ୍ଲୀପଙ୍କ ପରିବାର ପାଖରେ ଅର୍ଥ ନାହିଁ । ଏପଟେ ଦିଲ୍ଲୀପଙ୍କ ସ୍ବାସ୍ଥ୍ୟବସ୍ଥା ସଂକଟାପନ୍ନ ହେବାରେ ଲାଗିଛି ।
ତାଙ୍କ ସାନଭାଇଙ୍କ କହିବାନୁସାରେ, ଦିଲ୍ଲୀପ ଭୁବନେଶ୍ଵରସ୍ଥିତ ଭକ୍ତମଧୁନଗର ତାଳବଣିଆ, ଲେନ-୬ ରେ ରୁହନ୍ତି । ସାଙ୍ଗରେ ରୁହନ୍ତି କୁନିକୁନି ଦୁଇପୁଅ ଏବଂ ସ୍ତ୍ରୀ । ପରିବାର ଚଳାଇବାର ସବୁ ଦାୟିତ୍ବ ଦିଲ୍ଲୀପଙ୍କ ସ୍ବଳ୍ପ ରୋଜଗାର ଉପରେ । କିଛିଦିନ ପୂର୍ବରୁ ଦିଲ୍ଲୀପ କୋଭିଡରେ ଆକ୍ରାନ୍ତ ହୋଇ ସୁସ୍ଥ ହୋଇଥିଲେ । ପରିବାରରେ ଖୁସିର ଲହରି ଖେଳିଯାଇଥିଲା । ତେବେ କୋଭିଡରୁ ସୁସ୍ଥ ହେଲାପରେ ପୁଣି ଅସୁସ୍ଥ ହୋଇପଡ଼ିଥିଲେ । ବର୍ତ୍ତମାନ ତାଙ୍କ ଜୀବନ ପାଇଁ ଲୋଡା ପଡୁଛି ଉନ୍ନତ ଚିକିତ୍ସା । କିନ୍ତୁ ଅର୍ଥ ସଂକଟ ଯୋଗୁଁ ତାହା ଉପଲବ୍ଧ ହୋଇପାରୁନି । ହସ୍ପିଟାଲ ବେଡରେ ଜୀବନ ସହ ସଙ୍ଘର୍ଷ କରୁଛନ୍ତି । ଅଧିକ ଟଙ୍କା ଖର୍ଚ୍ଚ କରିବା ପାଇଁ ପରିବାର ପାଖରେ ସମ୍ବଳ ନାହିଁ । ତାଙ୍କୁ ଯଦି କେହି ସହୃଦୟବାନ ବ୍ୟକ୍ତି ସାହାଯ୍ୟ କରିବାକୁ ଚାହାନ୍ତି ତେବେ ତାଙ୍କ ଆକାଉଣ୍ଟ ନମ୍ବର- 62017839366
IFSC code -SBIN 0020725 । ଏହା ସହ ଫୋନ୍ ପେ ନମ୍ବର 7377354460 ନମ୍ବରରେ ସାହାଯ୍ୟ ପଠାଇପାରିବେ । ଆପଣଙ୍କ ସାହାଯ୍ୟ ଦିଲ୍ଲୀପଙ୍କୁ ନୂଆ ଜୀବନ ଦେବ ।
