ମିଳିଲା ଡାଏରି, ଖୋଲିବ ଜ୍ୟୋତିଙ୍କ ଗୁମର
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଗୁମର ଖୋଲିବ ଜ୍ୟୋତିଙ୍କ ଡାଏରି । ତଦନ୍ତକାରୀ ସଂସ୍ଥା ସୂତ୍ରରୁ ମିଳିଛି ସାଙ୍ଘାତିକ ଖବର । ଡାଏରିର କିଛି ପୃଷ୍ଠାରେ ରହିଛି ଗୁରୁତପୂର୍ଣ୍ଣ ତଥ୍ୟ । ପାକିସ୍ତାନୀ ଲୋକଙ୍କ ପ୍ରଶଂସା ଏହି ଡାଏରିରେ ଉଲ୍ଲେଖ ରହିଛି । ପାକିସ୍ତାନ ପାଇଁ ଗୁଇନ୍ଦାଗିରି କରୁଥିବା ହରିୟାଣା ୟୁଟ୍ୟୁବର ଜ୍ୟୋତି ମଲହୋତ୍ରାଙ୍କୁ ନେଇ ସାମ୍ନାକୁ ଆସୁଛି ଚାଞ୍ଚଲ୍ୟକର ତଥ୍ୟ । ତଦନ୍ତକାରୀ ସଂସ୍ଥା ହାତରେ ଲାଗିଛି ଜ୍ୟୋତିଙ୍କ ଡାଏରି। ଜ୍ୟୋତିଙ୍କର ଏହି ଡାଏରିର କିଛି ପୃଷ୍ଠାରେ ରହିଛି ଗୁରୁତ୍ୱପୂର୍ଣ୍ଣ ତଥ୍ୟ । ଯେଉଁଥିରେ ଜ୍ୟୋତିଙ୍କ ପାକ୍ ପ୍ରେମ ସଫା ସଫା ଦେଖିବାକୁ ମିଳୁଛି । ଜ୍ୟୋତି ୨୦୧୨ କ୍ୟାଲେଣ୍ଡରର ଡାଏରୀରେ ପାକିସ୍ତାନ ପ୍ରତି ତାଙ୍କର ଭାବନା ଲେଖିଛନ୍ତି। ସେ ଲେଖିଛନ୍ତି ଯେ ଆମେ ସମସ୍ତେ ଗୋଟିଏ ମାଟିରୁ, ଗୋଟିଏ ମାଟିରୁ ତିଆରି। କେବଳ ଏତିକି ନୁହେଁ, ସେ ଡାଏରୀର ପୃଷ୍ଠାରେ ପାକିସ୍ତାନ ଯିବା ପାଇଁ ବହୁତ କମ ସମୟ ପାଇଥିବାରୁ ଦୁଃଖ ପ୍ରକାଶ କରିଛନ୍ତି। ଜ୍ୟୋତି ତାଙ୍କ ଡାଏରୀରେ ଲେଖିଛନ୍ତି, ’ମୁଁ ପାକିସ୍ତାନରୁ ୧୦ ଦିନର ଯାତ୍ରା ପରେ ଫେରି ଆସିଛି।’ ଆମ ଦେଶ ଭାରତ।
ଏହି ସମୟ ମଧ୍ୟରେ, ମୁଁ ପାକିସ୍ତାନର ଲୋକଙ୍କଠାରୁ ବହୁତ ଭଲପାଇବା ପାଇଲି। ସବସ୍କ୍ରାଇବର୍ ଏବଂ ବନ୍ଧୁମାନେ ମଧ୍ୟ ମୋତେ ଭେଟିବାକୁ ଆସିଥିଲେ। ମୁଁ ଲାହୋର ଯିବା ପାଇଁ ମାତ୍ର ଦୁଇ ଦିନ ପାଇଲି, ଯାହା ବହୁତ କମ ଥିଲା ବୋଲି ଜ୍ୟୋତି ନିଜେ ତାଙ୍କ ଡାଏରୀରେ ଲେଖିଛନ୍ତି। ଜ୍ୟୋତି ତାଙ୍କ ଡାଏରୀରେ ଏହା ମଧ୍ୟ ଲେଖିଛନ୍ତି ଯେ ସୀମାର ଦୂରତା କେତେ ଦିନ ରହିବ ତାହା ଜଣା ନାହିଁ କିନ୍ତୁ ହୃଦୟରେ ଥିବା ଅଭିଯୋଗଗୁଡ଼ିକୁ ଲିଭାଇ ଦିଆଯିବା ଉଚିତ। ଏହା ଲେଖିବା ସମୟରେ ସେ ଲେଖିଛନ୍ତି ଯେ ସମସ୍ତେ ସମାନ ମାଟିରେ ତିଆରି। ସେପଟେ ଫରେନ୍ସିକ୍ ଯାଞ୍ଚ ବେଳେ ଜ୍ୟୋତିଙ୍କ ମୋବାଇଲରୁ ଭାରତୀୟ ସେନା ସହ ଜଡ଼ିତ ତଥ୍ୟ ହସ୍ତଗତ ହୋଇଛି । ଅପରେସନ୍ ସିନ୍ଦୂର ସମୟରେ ପାକିସ୍ତାନୀ ଦୂତାବାସ ଅଧିକାରୀଙ୍କ ସହ କରିଥିବା ହ୍ବାଟ୍ସଆପ୍ ଚାଟିଂ ମଧ୍ୟ ଜ୍ୟୋତି ଡିଲିଟ୍ କରିଥିବା ଫରେନ୍ସିକ ଯାଞ୍ଚ ବେଳେ ଜଣାପଡିଛି । ସାଇରନ୍ ବାଜିବାଠାରୁ ଆରମ୍ଭ କରି ପ୍ରାଶାସନିକ ଅଧିକାରୀଙ୍କୁ ପଠାଯାଇଥିବା ବ୍ଲାକ୍ଆଉଟ୍ ସଂକ୍ରାନ୍ତ ସବୁ ତଥ୍ୟ ପାକ୍ ଅଧିକାରୀଙ୍କ ସହ ସେୟାର କରିଥିଲେ ଜ୍ୟୋତି । ଯାହାକୁ ପରେ ଡିଲିଟ୍ କରିଦେଇଥିଲେ । ମାତ୍ର ଏବେ ଫରେନ୍ସିକ୍ ଯାଞ୍ଚ ପରେ ଧୀରେଧୀରେ ଜ୍ୟୋତିଙ୍କ ସବୁ ହରକତ୍ ଧରାପଡ଼ୁଛି ।
