ଆବାସ ଯୋଜନାରୁ ବଞ୍ଚିତ, ଭଙ୍ଗା କୁଡିଆରେ ବିତୁଛି ଜୀବନ

ଭୁବନେଶ୍ୱର(ବଡ଼ ଖବର ବ୍ୟୁରୋ): କେନ୍ଦ୍ର ସରକାରଙ୍କ ପକ୍ଷରୁ ଗ୍ରାମାଞ୍ଚଳର ଗରିବ ପରିବାରମାନଙ୍କୁ ପ୍ରଧାନମନ୍ତ୍ରୀ ଆବାସ ଯୋଜନାରେ ଆବାସ ଯୋଗାଇ ଦିଆଯାଉଛି । କିନ୍ତୁ କଣିହାଁ ବ୍ଲକ ରେଙ୍ଗାଳି ଗ୍ରାମପଞ୍ଚାୟତ ରେଙ୍ଗାଳି ଗ୍ରାମରେ ଦେଖାଦେଇଛି ଏହାର ବ୍ୟତିକ୍ରମ । ଉକ୍ତ ଗାଁର ନୁଆସାହିର ଗରିବ ଦିନମଜୁରିଆ କଳାବତୀ ବିଶି ବୟସ ୫୭, ମୁଲ କରି ଚଳାନ୍ତି ନିଜ ପରିବାର । ଫଳରେ ମଝିରେ ମଝିରେ ପୁଅ ଓଡିଶା ବାହାରକୁ ମୂଲ ମଜୁରି କରି ଯାଆନ୍ତି , ଏକ ଭଙ୍ଗା କୁଡିଆରେ ଦୀର୍ଘ ଦିନ ଧରି ନିଜ ପରିବାର ସହିତ ରହୁଛନ୍ତି କଳାବତୀ । ପକ୍କା ଘର ନିର୍ମାଣ କରିବା ତାଙ୍କ ପକ୍ଷରେ ସମ୍ଭବପର ନୁହେଁ । ବାପା ଜେଜେବାପା ଅମଳରୁ ଯେଉଁ ଦୁଇ ବଖରା ଘର ଅଛି ଉପରୁ ତା’ର ଚାଳ ଉଠିଗଲାଣି ତ କେଉଁଠି କାନ୍ଥ ଫାଟି ଆଁ କରିଛି। ଦିର୍ଘ ପଈତିରିଶି ବର୍ଷ ର ଘର । ବର୍ତ୍ତମାନ ର ସରପଞ୍ଚ ଓ ପୂର୍ବରୁ ପନ୍ଦରବର୍ଷ ହେବ ଅଧିକାରୀ ମାନଙ୍କୁ ବାରମ୍ବାର ଜଣାଇ ଆସୁଥିଲେ ମଧ୍ୟ ଏପର୍ୟ୍ୟନ୍ତ ତାଲିକାରେ ରହିପାରିନି କଳାବତୀ ଙ୍କ ନାମ । ଯେତେ ଗୁହାରି କଲେ ମଧ୍ୟ ପଞ୍ଚାୟତ ଅଧିକାରୀ ଠାରୁ ମିଳୁଛି କେବଳ ଆଶ୍ୱସନା । ପକ୍କାଘର ତାଙ୍କ ପାଇଁ ସାତ ସପନ ହୋଇଯାଇଛି ।ସେ ଜଣେ ଗରିବ ଶ୍ରେଣୀୟ ହୋଇଥିବାରୁ ତଳଠୁ ଉପର ପର୍ୟ୍ୟନ୍ତ କିଛି ହାତଗୁଞ୍ଜା ଦେଇ ପାରୁନଥିବାରୁ ବୋଧେ ସେ ଘରଟିଏ ପାଇବାରୁ ବଞ୍ଚିତ ହେଉଛନ୍ତି ବୋଲି ସେ ପ୍ରକାଶ କରିଛନ୍ତି । ପ୍ରଧାନମନ୍ତ୍ରୀ ଆବାସ ଯୋଜନାରେ ମଧ୍ୟ ତାଙ୍କ ନାମ ଏପର୍ୟ୍ୟନ୍ତ ରହିନାହିଁ । ଏହାକୁ ନେଇ ସେ ଅସନ୍ତୋଷ ପ୍ରକାଶ କରିଛନ୍ତି । ଏହାକୁ ନେଇ ଗୋଷ୍ଠୀ ଉନ୍ନୟନ ଅଧିକାରୀ ଖୁବ୍ ଶୀଘ୍ର ଏହାର ତଦନ୍ତ କରି ଉଚିତ୍ ପଦକ୍ଷେପ ନିଆଯିବ ବୋଲି କହିଥିବାବେଳେ ତୁରନ୍ତ କଳାବତୀ ବିଶି ଙ୍କୁ ଆବାସ ଯୋଜନାରେ ଏକ ଘର ଯୋଗାଇ ଦେବାକୁ ସାଧାରଣରେ ଦାବି ହେଉଛି ।