ଭୋଗରାଇ(ବଡ଼ ଖବର ବ୍ୟୁରୋ): ଓଡିଶାରୁ ପଶ୍ଚିମବଙ୍ଗକୁ ଗୋଚାଲାଣ ବେଳେ ଭୋଗରାଇ ଥାନା ଦେଉଳା ନିକଟରୁ ଜବତ ହେଲା କଣ୍ଟେନର ଭର୍ତ୍ତି ୩୦ରୁ ଅଧିକ ଗୋରୁ । ଗତକାଲି ବିଳମ୍ବିତ ରାତିରେ ପଶ୍ଚିମବଙ୍ଗକୁ କଣ୍ଟେନର ମାଧ୍ୟମରେ ୩୦ରୁ ଉର୍ଦ୍ଧ ଗୋଚାଲାଣ ହେଉଥିବା ବେଳେ ଦେଉଳା ଠାରେ ଭାରସାମ୍ୟ ହରାଇ ରାସ୍ତା କଡରେ ପଶିଯାଇଥିଲା । କଣ୍ଟେନରକୁ ଦେଖି ସ୍ଥାନୀୟ ଲୋକେ ପହଁଚିଲା ପରେ ଗୋରୁ ଚାଲାଣ ହେଉଥିବା ଦେଖିବାକୁ ପାଇଥିଲେ । ଖବର ପାଇ ଭୋଗରାଇ ପୋଲିସ ଗୋରୁ ବୋଝେଇ ଗାଡିକୁ ଜବଦ କରିବା ସହିତ ୩୦ ରୁ ଉର୍ଦ୍ଧ୍ବ ଗୋରୁକୁ ଉଦ୍ଧାର କରିଛି । ପଶ୍ଚିମବଙ୍ଗକୁ ବାରମ୍ବାର ଏଭଳି ଗୋଚାଲାଣ କିପରି ହେଉଛି ପୋଲିସର କାର୍ଯ୍ୟଦକ୍ଷତା ଉପରେ ପ୍ରଶ୍ନ ଉଠିଛି ।
