ଡକାୟତି ଉଦ୍ୟମ ପଣ୍ଡ, ୫ ଗିରଫ

ନବରଙ୍ଗପୁର (ବଡ଼ ଖବର ବ୍ୟୁରୋ):ଡକାୟତି ଉଦ୍ୟମ ପଣ୍ଡ, ୫ ଗିରଫ । ନବରଙ୍ଗପୁର ଏସଡିପିଓ କହିଛନ୍ତି ସିନ୍ଧିଗୁଡା ଗ୍ରାମର ଏକ କାଜୁବାଡ଼ ପାର୍ଶ୍ଵରେ ଥିବା ନରସିଂହ ରାଇସ ମିଲ ନିକଟରେ ୫ଜଣ ଡକାୟତି ଉଦ୍ୟମ କରୁଥିଲେ । ଖବର ପାଇ ପୋଲିସ ଟିମ ଘଟଣାସ୍ଥଳରେ ପହଞ୍ଚ ୫ଜଣଙ୍କୁ ଗିରଫ କରିଛି ।

ଅଭିଯୁକ୍ତମାନଙ୍କ ଠାରୁ ଦୁଇଟି ଖଣ୍ଡା, ଛୁରୀ, ଦୁଇଟି ହାତ ତିଆରି ଲୁହାପଞ୍ଚ, ଓ କେକରଡ଼ ସହ ତିନୋଟି ନମ୍ବର ବିହୀନ ବାଇକ, ୪ଟି ମୋବାଇଲ ଫୋନ ପୋଲିସ ଜବତ କରିଛି । ଗିରଫ ୫ ଡକାୟତ ତେନ୍ତୁଳିଖୁଣ୍ଟି ଥାନା ଧଣ୍ଡରା ଗ୍ରାମର ଜିତେନ୍ଦ୍ର ହରିଜନ , କୋରାପୁଟ ଜିଲ୍ଲା ବି ସିଂହପୁର ଥାନା କୁମୁଲି ଗ୍ରାମର ସୁରଜ ମହାରଣା , ନବରଙ୍ଗପୁର ଥାନା ଛୁତିଆଗୁଡା ଗ୍ରାମର କରଫୁଲ ଛତର , ନବରଙ୍ଗପୁର ଥାନା ଢେପଗୁଡା ଗ୍ରାମର ସୁଶାନ୍ତ ଓରଫ ମାଇକେଲ ହରିଜନ ଓ ତେନ୍ତୁଳିଖୁଣ୍ଟି ଥାନା ବିରିଗୁଡା ଗ୍ରାମର ସଞ୍ଜୀବ ହିଆଲ । ଏମାନଙ୍କ ନାମରେ ନବରଙ୍ଗପୁର ଜିଲ୍ଲାର ବିଭଥାନାରେ ଏକାଧିକ ମାମଲା ଥିବା ପୋଲିସ ସୂଚନା ଦେଇଛି