![](https://i0.wp.com/badakhabar.in/wp-content/uploads/2024/07/C.jpg?fit=1262%2C701&ssl=1)
ପାରଳାଖେମୁଣ୍ଡି (ବଡ଼ ଖବର ବ୍ୟୁରୋ): ଗଜପତି ଜିଲ୍ଲା ପାରଳାଖେମୁଣ୍ଡିରେ ଧୁମଧାମରେ ପାଳନ ହେଉଛି ରଥଯାତ୍ରା । ଏହା ଜିଲ୍ଲାର ମୁଖ୍ୟାଳୟ ହୋଇଥିବା ବେଳେ ରଥଯାତ୍ରାର ମଜା ନେବା ପାଇଁ ସୁଦୁରରୁ ଅନେକ ଭକ୍ତଙ୍କ ସୁଅ ଛୁଟିଥାଏ । କିନ୍ତୁ ପ୍ରଶାସନ ଏବଂ ପୋଲିସର ଦୁରଦୃଷ୍ଟି ଅଭାବରୁ ପ୍ରବଳ ମାତ୍ରାରେ ଟ୍ରାଫିକ ସମସ୍ୟାର ସମୁଖିନ ହେଉଛନ୍ତି ଦୂର ଦୂରାନ୍ତରୁ ଆସିଥିବା ଭକ୍ତଙ୍କ ସହ ପାରଳାଖେମୁଣ୍ଡି ବାସିନ୍ଦା । କାରଣ ପାରଳାଖେମୁଣ୍ଡି ସହରରେ ବାଇପାସ ରାସ୍ତା ନାହିଁ ଯାହା ଦ୍ୱାରା ଫାୟାର ଷ୍ଟେସନ- ମେଡିକାଲ ରାସ୍ତା ଦେଇ ସମସ୍ତ ଯାନବାହାନ ଚଳାଚଳ କରୁଛି । ପୋଲିସ ଷ୍ଟେସନ- କଲେଜ ଚକ ଠାରୁ ବସଷ୍ଟାଣ୍ଡ ରାସ୍ତାକୁ ଯାତ୍ରା ନିମନ୍ତେ ବନ୍ଦ ରଖାଯାଇଛି । ତାହା ସହ ଗୁଣ୍ଡିଚା ମନ୍ଦିରକୁ ଯିବା ସମସ୍ତ ରାସ୍ତା କୁ ମଧ୍ୟ ବନ୍ଦ କରିଦିଆଯାଇଛି । ଗୋଟିଏ ରାସ୍ତା ଉପରେ ନିର୍ଭର କରୁଛି ସମସ୍ତଙ୍କ ଯାତାୟାତ । ଯାହାଫଳରେ ସାଧାରଣ ଜନତା ନାହିଁ ନଥିବା ଆସୁବିଧାର ସମ୍ମୁଖୀନ ହେଉଛନ୍ତି ।