ରାଜରାସ୍ତାରେ ଆଶା କର୍ମୀ

ଭୁବନେଶ୍ୱର (ବଡ଼ ଖବର):ରାଜରାସ୍ତାରେ ଆଶା କର୍ମୀ। ସର୍ବନିମ୍ନ ସୁବିଧାରୁ ବଂଚିତ ହେଉଥିବା ଅଭିଯୋଗ କରି ରାଜରାସ୍ତାରେ ଚଳାଇଛନ୍ତି ଆନ୍ଦୋଳନ ।
ରାଜଧାନୀ ରାଜରାସ୍ତାରେ ଶହ ଶହ ଆଶାକର୍ମୀ । ଗାନ୍ଧୀ ମାର୍ଗରେ ଉଭୟ କେନ୍ଦ୍ର ଓ ରାଜ୍ୟ ସରକାରଙ୍କ ବିରୋଧରେ ଗର୍ଜିଛନ୍ତି ଆଶା କର୍ମୀ। ଦାବି ପୂରଣ ନହେଲେ ଆସନ୍ତା ୨୮ ତାରିଖରେ ଦିଲ୍ଲୀ ଯିବେ ବୋଲି ଦେଇଛନ୍ତି ସୂଚନା । ଯଦି ସରକାର ଦାବି ପୂରଣ ନକରିବେ କାମବନ୍ଦ କରିବେ ବୋଲି ଶୁଣାଇଛନ୍ତି ଚରମବାଣୀ ।

କେନ୍ଦ୍ରୀୟ ଯୋଜନାରେ ଆଶାମାନଙ୍କୁ ନିଯୁକ୍ତି ଦିଆଯାଇଥିବାରୁ ବିଜେଡି ମଧ୍ୟ ଏହି ଆନ୍ଦୋଳନକୁ ପରୋକ୍ଷରେ ସମର୍ଥନ କରିଛି । ଆଶାମାନଙ୍କର ସ୍ଥାୟୀ ନିଯୁକ୍ତି ଦାବି କରିଛି । ନ୍ୟାର୍ୟ୍ୟ ଦାବି ହାସଲ ପାଇଁ ଆଶାମାନେ ଚଳାଇଛନ୍ତି ଆନ୍ଦୋଳନ । ରାଜ୍ୟ ଓ କେନ୍ଦ୍ର ସରକାର ଏମାନଙ୍କ ଦାବି ପୂରଣ ନହେଲେ ଆଗାମୀ ଦିନରେ ଆନ୍ଦୋଳନ ଜୋରଦାର ହେବ ବୋଲି ସଂଘ ଚେତାଇ ଦେଇଛି ।