ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ବିଶ୍ୱରେ ବଢୁଛି କରୋନା ସଂକ୍ରମଣ । ୨୧୮ ଦେଶରେ କାୟା ମେଲାଇଛି କରୋନା । ୧୭ ଲକ୍ଷ ୭୧ ହଜାର ୪୦୭ ଜଣଙ୍କ ପ୍ରାଣ ନେଇଛି ମହାମାରୀ ଭୂତାଣୁ । ସେହିପରି ସଂକ୍ରମିତଙ୍କ ସଂଖ୍ୟା ୮ କୋଟି ୧୧ ଲକ୍ଷ ୩୧ ହଜାର ୮୪୨ ଥିବା ବେଳେ ସେମାନଙ୍କ ମଧ୍ୟରୁ ସୁସ୍ଥ ହୋଇଛନ୍ତି ୫ କୋଟି ୭୨ ଲକ୍ଷ ୮୦ ହଜାର ୮୧୩ ଜଣ ।
ଦେଶରେ ଦିନକରେ ୨୦ ହଜାର ୨୧ ଜଣ ନୂଆ ସଂକ୍ରମିତ ଚିହ୍ନଟ ହୋଇଥିବା ବେଳେ ୨୭୯ ଜଣଙ୍କ ପ୍ରାଣ ନେଇଛି କରୋନା । ଦେଶରେ ମୃତ୍ୟୁସଂଖ୍ୟା ୧ ଲକ୍ଷ ୪୭ ହଜାର ୯୦୧ ଥିବା ବେଳେ ସକ୍ରିୟ ସଂକ୍ରମିତଙ୍କ ସଂଖ୍ୟା ୨ ଲକ୍ଷ ୭୭ ହଜାର ରହିଛି । ୩୦୧ ଜଣ ଆକ୍ରାନ୍ତ ହୋଇଛନ୍ତି । ସୁସ୍ଥ ହୋଇ ଘରକୁ ଫେରିଛନ୍ତି ୯୭ ଲକ୍ଷ ୮୨ ହଜାର ୬୬୯ ଜଣ । ଏନେଇ କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ ପକ୍ଷରୁ ସୂଚନା ରହିଛି । ଅନ୍ୟପଟେ ବ୍ରିଟେନର ନୂଆ କରୋନା ଷ୍ଟ୍ରେନକୁ ନେଇ ଭୟଭୀତ ଅଛନ୍ତି ବିଶ୍ୱବାସୀ ।
