ଅନୁଗୁଳ(ବଡ଼ ଖବର ବ୍ୟୁରୋ): ଦୀର୍ଘ ୧୩ ବର୍ଷ ହେବ ପାଳନ କରିଆସୁଛନ୍ତି ଜରସିଂହା ଗ୍ରାମବାସୀ ରକ୍ତଦାନ ଶିବିର ମହୋତ୍ସବ । ମହୋତ୍ସବରେ ଆମ ଓଡ଼ିଶା ଅଧ୍ୟକ୍ଷ ସୌମ୍ୟ ରଞ୍ଜନ ପଟ୍ଟନାୟକ ରକ୍ତଦାତାଙ୍କୁ ଗୋଲାପ ଫୁଲ ଦେଇ ଉତ୍ସାହିତ କରିଥିଲେ । ରକ୍ତ ଅଭାବରୁ ଜୀବନ ଯିବା ପରେ ୨୦୦୭ ମସିହାରୁ ପ୍ରଥମ କରି ରକ୍ତଦାନ ଶିବିର ଆରମ୍ଭ ହୋଇଥିଲା । ପରେ ଗ୍ରାମବାସୀ ଏହାକୁ ମହୋତ୍ସବ ଭାବେ ପାଳନ କରିଆସୁଛନ୍ତି ।୨୦୧୪ ମସିହାରେ ୪୧୪ ୟୁନିଟ ରକ୍ତ ସଂଗ୍ରହ କରି ସାରା ରାଜ୍ୟରେ ରାଜ୍ୟପାଳ ଓ ମୁଖ୍ୟମନ୍ତ୍ରୀଙ୍କ ଠାରୁ ପୁରସ୍କୃତ ହୋଇଛି ଏହି ଗ୍ରାମ । ଏଥିରେ ୧୨୦ଜଣ ମହିଳା ରକ୍ତଦାନ କରିଥିଲେ ।
