୨୩ ଲକ୍ଷ ଟଙ୍କାର ଗଞ୍ଜେଇ ଜବତ, ମାଫିଆ ଫେରାର

ଲମତାପୁଟ(ବଡ଼ ଖବର ବ୍ୟୁରୋ): କମାଣ୍ଡର ଜିପରୁ ୨୩ ଲକ୍ଷ ଟଙ୍କାର ଗଞ୍ଜେଇ ଜବତ । ଚଳନ୍ତା ଗାଡ଼ିରୁ ଡେଇଁ ମାଫିଆ ଫେରାର । ଆନ୍ଧ୍ରପ୍ରଦେଶକୁ ଗଞ୍ଜେଇ ଚୋରା ଚାଲାଣ ବେଳେ ମାଡ଼ିବସିଲା ମାଛକୁଣ୍ଡ ପୋଲିସ । ଜଲାପୁଟ ଅଞ୍ଚଳରୁ ଆସି ପାଡୁଆ ଦେଇ ଆନ୍ଧ୍ରପ୍ରଦେଶକୁ ଗଞ୍ଜେଇ ଚୋରା ଚାଲାଣ ହେଉଥିବା ଖବର ପାଇଥିଲା ମାଛକୁଣ୍ଡ ପୋଲିସ । ସଗର ଛକ ନିକଟରେ ମାଛକୁଣ୍ଡ, ଜଲାପୁଟ ଓ ଲମତାପୁଟ ପୋଲିସର ମିଳିତ ଟିମ ଚଢାଉ କରିଥିଲେ । ପୋଲିସ ପିଛା କରୁଥିବା ଦେଖି ଚଳନ୍ତା ଗାଡ଼ିରୁ ମାଫିଆ ଡେଇଁ ଫେରାର ହୋଇଯାଇଥିଲା । ଜିପରୁ ୨କୁଇଣ୍ଟାଲ ୨୮ କେଜି ଗଞ୍ଜେଇ ଜବତ ହୋଇଛି । ଗଞ୍ଜେଇର ମୂଲ୍ୟ ପ୍ରାୟ ୨୩ ଲକ୍ଷ ହେବ ବୋଲି ପୋଲିସ ସୂଚନା ଦେଇଛି । ଜାନୁୟାରୀ ମାସରୁ ଆଜି ପର୍ଯ୍ୟନ୍ତ ମାଛକୁଣ୍ଡ ପୋଲିସ ୧୭ଟି ଗଞ୍ଜେଇ ଚୋରା ଚାଲାଣ ମାମଲା ରୁଜୁ କରିଥିବା ବେଳେ ସାଢେ ୪ଟନ ଗଞ୍ଜେଇ ଜବତ କରିଛି ଏବଂ ୧୪ ଜଣକୁ ଗିରଫ କରି କୋର୍ଟ ଚାଲାଣ କରିଛି ମାଛକୁଣ୍ଡ ପୋଲିସ ।