ବିଦେଶରେ ଭାରତ ସଂସ୍କୃତିର ଝଲକ
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ବିଦେଶ ଗସ୍ତରେ ଅଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ରବିବାର ସେ ପାପୁଆ ନିୟୁ ଗିନିରେ ପହଞ୍ଚିଛନ୍ତି। ପହଞ୍ଚିବା ପରେ ସେଠାରେ ମୋଦିଙ୍କୁ ଭବ୍ୟ ସ୍ୱାଗତ କରାଯାଇଥିଲା । ପପୁଆ ନିୟୁ ଗିନିର ପ୍ରଧାନମନ୍ତ୍ରୀ ଜେମସ ମାରାପେ ବିମାନବନ୍ଦରରେ ମୋଦିଙ୍କୁ ସ୍ୱାଗତ କରିଥିଲେ । ସ୍ୱାଗତ କରିବା ସମୟରେ ମାରାପେ ତାଙ୍କ ପାଦ ଛୁଇଁଥିଲେ। ପ୍ରତିଉତ୍ତରରେ ମୋଦି ତାଙ୍କୁ ଉଠାଇ ଆଲିଙ୍ଗନ କରିଥିଲେ ।
Never before seen visuals:
Papua New Guinea PM touches the feet of PM @narendramodi as he lands in the country for a historic visit!@PMOIndia pic.twitter.com/1F1MMrAknD— DD News (@DDNewslive) May 21, 2023
ପରେ ମାରାପେ ତାଙ୍କ ଦେଶର ପ୍ରମୁଖ ଅଧିକାରୀଙ୍କୁ ମୋଦିଙ୍କ ସହିତ ପରିଚିତ କରାଇଥିଲେ। ଭାରତର ଜଣେ ପ୍ରଧାନମନ୍ତ୍ରୀ ଭାବେ ମୋଦିଙ୍କ ପାପୁଆ ନିୟୁ ଗିନି ଗସ୍ତ ପ୍ରଥମ ଘଟଣା। ପୂର୍ବରୁ ଭାରତର କୌଣସି ପ୍ରଧାନମନ୍ତ୍ରୀ ପାପୁଆ ନିୟୁ ଗିନି ଗସ୍ତ କରି ନାହାନ୍ତି। ପାପୁଆ ନିୟୁ ଗିନିରେ ମୋଦୀ ଭାରତ-ପ୍ରଶାନ୍ତ ମହସାଗରୀୟ ଦ୍ବୀପ ରାଷ୍ଟ୍ର ସମନ୍ବୟ ଫୋରମର ତୃତୀୟ ସମ୍ମିଳନୀରେ ଯୋଗ ଦେବେ। ଏହି ସମ୍ମିଳନୀରେ ୧୪ଟି ଦ୍ବୀପ ରାଷ୍ଟ୍ର ଯୋଗ ଦେବେ।