ମୁମ୍ବାଇ (ବଡ଼ ଖବର ବ୍ୟୁରୋ): ଆଜିଠୁ ମହାରାଷ୍ଟ୍ରରେ କଡା ହେବ କରୋନା କଟକଣା । ଗୁରୁବାର ରାତି ୮ରୁ ମେ ପହିଲା ସକାଳ ଯାଏଁ କଟକଣା ବଳବତ୍ତର ରହିବ । ନୂଆ ଗାଇଡଲାଇନ ଅନୁସାରେ, ସବୁ ସରକାରୀ ଅଫିସ କେବଳ ୧୫ ପ୍ରତିଶତ କର୍ମଚାରୀଙ୍କୁ ନେଇ ଚାଲିବ । କୋଭିଡ ମ୍ୟାନେଜମେଣ୍ଟ କରୁଥିବା ସଂସ୍ଥାରେ ଶହେ ପ୍ରତିଶତ କର୍ମଚାରୀ ଉପସ୍ଥିତ ରହିବେ । କେବଳ ଦୁଇ ଘଣ୍ଟା ପାଇଁ ବିବାହ ଉତ୍ସବକୁ ଅନୁମତି ମିଳିବ । ଏଥିରେ କେବଳ ୨୫ ଜଣ ହିଁ ସାମିଲ ହୋଇପାରିବେ ।
କଟକଣା ନ ମାନିଲେ ୫୦ ହଜାର ଟଙ୍କା ଜୋରିମାନା ଦେବାକୁ ପଡିବ । ସେହିଭଳି ସରକାରୀ ବସ କେବଳ ୫୦ ପ୍ରତିଶତ କ୍ଷମତାରେ ଚାଲିବ । ସେହିଭଳି ଦରକାର ନ ପଡିଲେ ବାହାରକୁ ନବାହାରିବାକୁ ପରାମର୍ଶ ଦିଆଯାଇଛି । ଏଭଳି କଲେ ୧୦ ହଜାର ଟଙ୍କାର ଜୋରିମାନା ଦେବାକୁ ପଡିବ । କୋଭିଡ ନିୟମ ନ ପାଳିଲେ କଡା କାର୍ଯ୍ୟାନୁଷ୍ଠାନ ପାଇଁ ନିର୍ଦ୍ଦେଶ ଦେଇଛନ୍ତି ମହାରାଷ୍ଟ୍ର ସରକାର ।
