ଭୋଜିରୁ ଗଣ୍ଡଗୋଳ ପରେ ଗୁଳିମାଡ

ଆସିକା (ବଡ଼ ଖବର ବ୍ୟୁରୋ): ଗାଁ ଗଣ୍ଡଗୋଳର ସମାଧାନ କରିବାକୁ ଯାଇଥିବା ସମିତି ସଭ୍ୟ ଉପରକୁ ଗୁଳିମାଡ । ଗୁଳିକାଣ୍ଡରେ ସମିତି ସଭ୍ୟ ଗୁରୁତର ହୋଇଥିବା ବେଳେ ୨ ଜଣ ଆହତ ହୋଇଛନ୍ତି ।ଗଞ୍ଜାମ ଜିଲ୍ଲା ପୋଲସରା ଥାନା ଅଧିନ ଗରେଇଝୁଳି ଗାଁରେ ସାମାନ୍ୟ ବଚସାରୁ ଗୁଳିକାଣ୍ଡ ହୋଇଥିବା ଅଭିଯୋଗ ହୋଇଛି । ବୁଧବାର ରାତିରେ କେନ୍ଦୁବାଡି ସମିତିସଭ୍ୟ ନରେନ୍ଦ୍ର ସ୍ୱାଇଁଙ୍କୁ ଗୁଳିମାଡ ହୋଇଛି ।  ଗୁଳିମାଡର କାରଣ ଅସ୍ପଷ୍ଟ ରହିଛି । ଖବର ପାଇ ପୋଲସରା ପୋଲିସ ବୁଗୁଡା ଥାନା ପୋଲିସ ଘଟଣା ସ୍ଥଳରେ ପହଁଚି ତଦନ୍ତ ଆରମ୍ଭ କରିଥିବା ଜଣାଯାଇଛି । ଘଟଣା ଘଟିବା ପରେ ସ୍ଥାନୀୟ ଲୋକେ ତାଙ୍କୁ ପ୍ରଥମେ ବୁଗୁଡା ମେଡିକାଲକୁ ନେଇଥିଲା । ସେଠାରେ ତାଙ୍କ ଅବସ୍ଥା ଗୁରୁତର ହେବାରୁ ବ୍ରହ୍ମପୁର ବଡ ମେଡିକାଲକୁ ସ୍ଥାନାନ୍ତରିତ କରାଯାଇଛି ।

ଗୋଟିଏ ବାଇକରେ ତିନି ଜଣ ଅଜଣା ଦୁବୃର୍ତ୍ତ ଆସି ତାଙ୍କୁ ଗୁଳିମାଡ କରିଥିବା ଜଣାଯାଇଛି । ସମିତିସଭ୍ୟ ନରେନ୍ଦ୍ର ସ୍ୱାଇଁ ନିଜ ଇଟାଭାଟିରେ ଏକ ଭୋଜି କାମରେ ରହିଥିଲେ । ଗରାଇଝୋଳୀ ଗ୍ରାମରେ କିଛି ଯୁବକ ମଦ୍ୟାପାନ କରି ଉନ୍ମତକାଣ୍ଡ କରୁଥିଲେ । ଏହି ଖବର ପାଇ ସମିତିସଭ୍ୟ ନରେନ୍ଦ୍ର ସ୍ୱାଇଁ ଗ୍ରାମରେ ପହଁଚି ଥିଲେ । ସେମୋନଙ୍କୁ କାହିଁକି ଏମିତି ହେଉଛି ବୋଲି ତାଗିଦ କରିଥିଲେ । ଏହାପରେ ତାଙ୍କୁ ଗୁଳିମାଡ କରାଯାଇଥିଲା । ଘଟଣା ଘଟିବା ପରେ ଗୁଳିମାଡ କରିଥିବା ଦୁବୃର୍ତ୍ତମାନେ ଫେରାର ରହିଛନ୍ତି ।