ବାଲେଶ୍ୱର(ବଡ଼ ଖବର ବ୍ୟୁରୋ): ବାଲେଶ୍ୱରରେ ଚିନ୍ତା ବଢ଼ାଉଛି ମସ୍ତିଷ୍କ ଜ୍ୱର । ପୁରୁବାଇ କନ୍ୟାଶ୍ରମରେ ଆଉ ୫ଛାତ୍ରୀ ଅସୁସ୍ଥ । ଅସୁସ୍ଥ ଅନ୍ତେବସୀଙ୍କୁ ଚିକିତ୍ସା ପାଇଁ ବାଲେଶ୍ୱର ମେଡିକାଲକୁ ସ୍ଥାନାନ୍ତର କରାଯାଇଛି । ଗତକାଲି ୪ ଜଣଙ୍କୁ ମେଡିକାଲ ସ୍ଥାନାନ୍ତର କରାଯାଇଥିଲା । ଏବେ ବାଲେଶ୍ୱରରେ ଚିକିତ୍ସାଧୀନ ଅସୁସ୍ଥ ଅନ୍ତେବାସୀଙ୍କ ସଂଖ୍ୟା ୧୭କୁ ବୃଦ୍ଧି ପାଇଛି । ସେପଟେ ସୋର ମେଡିକାଲରେ ୧୪ ଅସୁସ୍ଥ ଅନ୍ତେବାସୀଙ୍କର ଚିକିତ୍ସା ଜାରି ରହିଛି । ଆଉ କିଛି ଛାତ୍ରୀ ମଧ୍ୟ ଅସୁସ୍ଥ ରହିଥିବା ଜଣପଡିଛି । କନ୍ୟାଶ୍ରମରେ ଜାପାନିଜ ଏନସେଫାଲାଇଟସ ବ୍ୟାପୁଥିବା ବେଳେ ଛାତ୍ରୀମାନେ ଅସୁସ୍ଥ ହେବାରେ ଲାଗିଛନ୍ତି । ସେପଟେ କନ୍ୟାଶ୍ରମରେ ମେଡିକାଲ ଟିମ୍ ପହଂଚି ସ୍ୱାସ୍ଥାବସ୍ଥା କଥା ପଚାରି ବୁଝୁଛନ୍ତି ।
