ଶାହିସ୍ତାଙ୍କୁ ଧରିବା ପାଇଁ ୫୦ ହଜାର ପୁରସ୍କାର ରାଶି

ଉତ୍ତରପ୍ରଦେଶ (ବଡ଼ ଖବର ବ୍ୟୁରୋ): ଗ୍ୟାଙ୍ଗଷ୍ଟାର ଅତିକ ଅହମ୍ମଦକୁ ଗୁଳି କରି ହତ୍ୟା । ଅତିକ ଓ ଅଶ୍ରଫ୍ ଗଣମାଧ୍ୟମକୁ ପ୍ରତିକ୍ରିୟା ଦେବାବେଳେ ହୋଇଥିଲା ଗୁଳିମାଡ଼ । ଉଭୟଙ୍କୁ ସ୍ୱାସ୍ଥ୍ୟ ପରୀକ୍ଷା ପାଇଁ ହସ୍ପିଟାଲ ନିଆଯାଉଥିବା ସମୟରେ ଘଟିଥିଲା ଘଟଣା । ଏବେ ଅତିକ ଅହମ୍ମଦଙ୍କ ୫୧ ବର୍ଷିୟା ସ୍ତ୍ରୀ ଶାହିସ୍ତା ପରଓ୍ବିନ ବର୍ତ୍ତମାନ ଉତ୍ତରପ୍ରଦେଶ ପୋଲିସର ମୋଷ୍ଟ ଓ୍ବାଣ୍ଟେଡ ତାଲିକାରେ ଅଛନ୍ତି।

ଯେକେହି ଅତିକଙ୍କ ଅପରାଧ ଜଗତର ରାଣୀଙ୍କ ବିଷୟରେ କୌଣସି ସୂଚନା ଦେବେ ତାଙ୍କୁ ୫୦ ହଜାର ଟଙ୍କାର ପୁରସ୍କାର ପ୍ରଦାନ କରାଯିବ ବୋଲି ଘୋଷଣା କରାଯାଇଛି। ମାତ୍ର ଦୁଇ ଦିନ ମଧ୍ୟରେ ଶାହିସ୍ତା ତାଙ୍କ ପୁଅ ଆସାଦ ଏବଂ ସ୍ବାମୀ ଅତିକଙ୍କୁ ହରାଇଥିଲେ। ସେପଟେ ଶାହିସ୍ତା ଅତିକଙ୍କ ଅନ୍ତିମ ସଂସ୍କାରରେ ଆତ୍ମସମର୍ପଣ କରିବେ, କିନ୍ତୁ ସେ ଏପର୍ଯ୍ୟନ୍ତ ଫେରାର ଅଛନ୍ତି। ଅତିକଙ୍କ ସ୍ତ୍ରୀ ହେବା ପୂର୍ବରୁ ତାଙ୍କର କୌଣସି ବେଆଇନ କାର୍ଯ୍ୟକଳାପ ସହିତ ସମ୍ପର୍କ ନ ଥିଲା ।

ବର୍ତ୍ତମାନ ତାଙ୍କ ନାମରେ ପ୍ରୟାଗରାଜରେ ୪ ଟି ମାମଲା ପଞ୍ଜିକୃତ ହୋଇଛି। ସେଥିମଧ୍ୟରେ ୩ ଠକେଇ ଏବଂ ଗୋଟିଏ ହତ୍ୟା ମାମଲା ରହିଛି। ଶାହିସ୍ତା ୨୦୨୧ ରେ ଆସାଦୁଦ୍ଦିନ ଓୱାଇସିଙ୍କ ପାର୍ଟି ଏଆଇଏମଆଇଏମରେ ଯୋଗ ଦେଇଥିଲେ। ଜାନୁଆରୀ ୨୦୨୩ରେ, ସେ ବିଏସପିରେ ଯୋଗ ଦେଇଥିଲେ।