ଅଇଁଠାପାଲି ଛକରୁ ଗଞ୍ଜେଇ ଜବତ
ରେଙ୍ଗାଲି (ବଡ଼ ଖବର ବ୍ୟୁରୋ): ସମ୍ବଲପୁର ଅବକାରୀ କାର୍ୟ୍ୟାଳୟ ପକ୍ଷରୁ ଆଜି ଅଇଁଠାପାଲି ବାଟମଙ୍ଗଳା ଛକରେ ଚୋରା ଚାଲାଣ ହେଉଥିବା ୬୬ କେଜି ଗଞ୍ଜେଇ ସହ ୨ ଅଭିଯୁକ୍ତଙ୍କୁ ଗିରଫ କରାଯାଇଛି । ସୂଚନା ଅନୁସାରେ ବଲାଙ୍ଗୀର ଜିଲ୍ଲା ପଟରୁ ଏକ ବୋଲେରୋ ଗାଡିରେ ୩ ଟି ବସ୍ଥାରେ ୬୬ କେଜି ଗଞ୍ଜେଇ କୁ ମଧ୍ୟପ୍ରଦେଶକୁ ଚୋରା ଚାଲାଣ ସମୟରେ ଅଇଁଠାପାଲି ବାଟମଙ୍ଗଳା ମନ୍ଦିର ଛକରେ ମାଡ଼ିବସିଲା ଅବକାରୀ କାର୍ୟ୍ୟାଳୟର ଟିମ ।
ଏହାସହ ବୋଲେରୋ ଗାଡ଼ିରୁ ଗଞ୍ଜେଇ ଜବତ କରିବା ସହିତ ମଧ୍ୟପ୍ରଦେଶ ରାଜ୍ୟର ଧର୍ମେନ୍ଦ୍ର ସିଂ ଲୋଧି ଏବଂ ରୀନା ଠାକୁରକୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି । ଏଥିସହିତ ଅଭିଯୁକ୍ତଙ୍କ ଠାରୁ ୩୨୦୦ ଟଙ୍କା ମଧ୍ୟ ଜବତ କରାଯାଇଛି । ଜବତ ହୋଇଥିବା ଗଞ୍ଜେଇ ସହ ଗାଡିର ଅନୁମାନିକ ମୂଲ୍ୟ ୧୧ ଲକ୍ଷ ୬୦ ହଜାର ଟଙ୍କା ହେବ ବୋଲି ଅବକାରୀ କାର୍ୟ୍ୟାଳୟ ପକ୍ଷରୁ ସୂଚନା ଦିଆଯାଇଛି ।