ସିରିଜ ଚୋରି ଘଟଣାରେ ୭ ଗିରଫ
ଦଶରଥପୁର (ବଡ଼ ଖବର ବ୍ୟୁରୋ): ଯାଜପୁର ଜିଲ୍ଲା ମଙ୍ଗଳପୁର ଥାନା ଅଞ୍ଚଳରେ ଗତ କିଛି ଦିନ ହେବ ପୋଲିସକୁ ଚ୍ୟାଲେଞ୍ଜ କଲା ଭଳି ଗୋଟିଏ ପରେ ଗୋଟିଏ ଡକାୟତି ଚାଲିଥିଲା । ଯାହା ପୋଲିସ ସମେତ ସାଧାରଣ ଜନତାଙ୍କ ନିଦ ହଜାଇ ଦେଇଥିଲା । ତେବେ ପୋଲିସ ବିଭିନ୍ନ ଅଞ୍ଚଳର ସିସିଟିଭି ଫୁଟେଜ, ଚୋରିର ମାଧ୍ୟମ ଏବଂ ଚୋରି ହେଉଥିବା ଘର ଆଦିକୁ ଲକ୍ଷ କରି ଦୀର୍ଘ ଦିନ ହେବ ତଦନ୍ତ ଜାରି ରଖିଥିଲା ।
ଫଳ ସ୍ୱରୂପ ବାଇକ ଚୋର ଠାରୁ ଆରମ୍ଭ କରି ଡକାୟତି ଘଟଣାରେ ସମ୍ପୃକ୍ତ ସ୍ଥାନୀୟ ୭ ଜଣ ଯୁବକଙ୍କୁ ଉଠାଇ ନେଇଛି ମଙ୍ଗଳପୁର ପୋଲିସ । ଗତ କିଛି ମାସ ମଧ୍ୟରେ ଏହି ଲୁଟେରାମାନେ ଚଷାଖଣ୍ଡ, ଦିହୁଡିସାହି, ଓଳସାହି, ହୀରାପୁର ଏବଂ ମଙ୍ଗଳପୁର ବଜାର, ଦୋକାନ ଆଦିରେ ଚୋରି କରୁଥିଲେ । ଏମାନଙ୍କ ଲିଙ୍କ ଜିଲ୍ଲାର ମଙ୍ଗଳପୁର ଠାରୁ ଆରମ୍ଭ କରି କୋରେଇ, କେନ୍ଦୁଝର ଏବଂ ଭୁବନେଶ୍ୱର ପର୍ଯ୍ୟନ୍ତ ଲମ୍ବିଛି । ଯେଉଁମାନେ ଟଙ୍କା, ସୁନା, ଗାଡି, ମୋବାଇଲ ଆଦି ଲୁଟ କରିଆସୁଥିଲେ ।