ଆଜି ପ୍ରକାଶ ପାଇବ +୨ ରେଜଲ୍ଟ

ଭୁବନେଶ୍ୱର (ବଡ଼ ଖବର ବ୍ୟୁରୋ): ଆଜି ପ୍ରକାଶ ପାଇବ +୨ ରେଜଲ୍ଟ । ଅପରାହ୍ନ ୪ଟାରେ ପ୍ରକାଶ ପାଇବ ଯୁକ୍ତ ଦୁଇ ଫଳ।ସିଏଚ୍ଏସ୍ଇ ୱେବ୍ସାଇଟରେ ରେଜଲ୍ଟ ଉପଲବ୍ଧ ହେବ । ଏକା ସାଙ୍ଗରେ କଳା, ବାଣିଜ୍ୟ ଓ ବିଜ୍ଞାନର ଫଳାଫଳ ପ୍ରକାଶ ପାଇବ।  ସିଏଚ୍ଏସ୍ଇ ପକ୍ଷରୁ ଏ ନେଇ ସୂଚନା ପ୍ରଦାନ କରାଯାଇଛି । ଚଳିତ ବର୍ଷ +୨ ପରୀକ୍ଷା ଫେବୃଆରୀ ୧୮ ରୁ ଆରମ୍ଭ ହୋଇ ମାର୍ଚ୍ଚ ୨୭ରେ ଶେଷ ହୋଇଥିଲା । ପରୀକ୍ଷାରେ ମୋଟ ୩ ଲକ୍ଷ ୯୩ ହଜାର ଛାତ୍ରଛାତ୍ରୀ ପରିକ୍ଷା ଦେଇଥିଲେ ।

ତନମଧ୍ୟରୁ ବିଜ୍ଞାନରେ ୧ ଲକ୍ଷ୧୪ ହଜାର, କଳାରେ ୨ଲକ୍ଷ ୪୭ହଜାର, ଏବଂ ବାଣିଜ୍ୟରେ ୨୫ ହଜାର ୫୨୬ ଜଣ ବିଦ୍ୟାର୍ଥୀ ପରୀକ୍ଷା ଦେଇଥିଲେ । ସେପଟେ ଉଚ୍ଚଶିକ୍ଷା ବିଭାଗ ପକ୍ଷରୁ +୩ ନାମଲେଖା ପାଇଁ ଅବେଦନ ତାରିଖ ଘୁଞ୍ଚାଇ ଦିଆ ଯାଇଛି । ଜୁନ ୧ ତାରିଖ ଯାଏଁ ଛାତ୍ରଛାତ୍ରୀ ମାନେ ନିଜର ଇଚ୍ଛା ମୁତାବକ କଲେଜ ପାଇଁ ତାଙ୍କ ଫର୍ମ ଅବେଦନ କରିପାରିବେ ବୋଲି ସ୍ପଷ୍ଟ କରିଛି ଉଚ୍ଚଶିକ୍ଷା ବିଭାଗ ।