ସାପ କାମୁଡାରେ ଭାଇ ଭଉଣୀଙ୍କ ମୃତ୍ୟୁ

ରାଉରକେଲା(ବଡ଼ ଖବର ବ୍ୟୁରୋ): ସାପ କାମୁଡାରେ ଭାଇ ଭଉଣୀଙ୍କ ମୃତ୍ୟୁ । ଶୋଇଥିବା ବେଳେ ସାପ କାମୁଡିଥିବା ସୂଚନା । ରାଉରକେଲା ଲାଠିକଟାରେ ଘଟିଛି ଏଭଳି ଅଭାବନୀୟ ଘଟଣା । ମୃତ ଭାଇର ବୟସ ୭ବର୍ଷ ହୋଇଥିବା ବେଳେ ଭଉଣୀର ବୟସ ୧୦ବର୍ଷ ବୋଲି ଜଣା ପଡିଛି । ଘରେ ଶୋଇଥିବା ବେଳେ ବିଷଧର ସାପ କାମୁଡି ଥିବା ସୂଚନା ମିଳିଛି । ଘଟଣା ପରେ ପରିବାର ଲୋକେ ଉଭୟଙ୍କୁ ହସ୍ପିଟାଲ୍ ରେ ଭର୍ତ୍ତି କରିଥିଲେ । ଡାକ୍ତରୀ ଚିକିତ୍ସା ସତ୍ତ୍ୱେ ରାଉରକେଲା RGH ମେଡିକାଲରେ ଉଭୟ ଭାଇଭଉଣୀଙ୍କୁ ମୃତ ଘୋଷଣା କରାଯାଇଛି। ଏହି ଦୁଃଖଦ ଘଟଣା ପରେ ସମଗ୍ର ଅଞ୍ଚଳରେ ଶୋକର ଛାୟା ଖେଳିଯାଇଛି। ଦୁଇ ଶିଶୁଙ୍କ ଅକାଳ ବିୟୋଗରେ ପରିବାରବର୍ଗଙ୍କ ସହ ସ୍ଥାନୀୟ ଲୋକେ ମଧ୍ୟ ଗଭୀର ଭାବେ ମର୍ମାହତ।