ବଲାଙ୍ଗିରର ଗୋଟିଏ ଗାଁ, ଲାଗୁ ହୋଇଛି ୩୭୦ ଭଳି ଧାରା

ବଲାଙ୍ଗିର(ବଡ଼ ଖବର ବ୍ୟୁରୋ): ପ୍ରଜାକୋର୍ଟର କଠୋର ନିଷ୍ପତ୍ତି । ନିଜ ପୈତୃକ ଜମିରେ ଘର ନିର୍ମାଣ କରିବାକୁ ବି ମନା । କାଶ୍ମରୀରୁ ଧାରା ୩୭୦ ଉଠିଥିଲେ ବି ଜୁରୀଆ ଭଲି ଅନୁନ୍ନତ ଗାଁ ଲୋକେ ବେଆଇନ ଭାବେ ୩୭୦ ଧାରା ଲାଗୁ କରିଛନ୍ତି । ଏଭଳି ସଙ୍ଗୀନ ଅଭିଯୋଗ ଆସିଛି ବଲାଙ୍ଗିର ଜିଲ୍ଲା ଖପ୍ରାଖୋଲ ବ୍ଲକ ଜୁରୀଆ ଗାଁରୁ । ଖପ୍ରାଖୋଲ ବ୍ଲକ ଜୁରିଆ ଗାଁର କନ୍ଦର୍ପ ସୁଆର । ଦୀର୍ଘ ବର୍ଷ ଧରି ଜୁରିଆ ମଣ୍ଡି ସାମ୍ନାରେ ଥିବା ନିଜ ପୌତୃକ ଜମିରେ ଘର କରିବାକୁ ନିଅଁ ଖୋଳିଥିଲେ । ଏହାକୁ ସହ୍ୟ କରି ପାରିନଥିଲେ ଗାଁର କିଛି ଖଳ ପ୍ରକୃତିର ବ୍ୟକ୍ତି ।

ଘର ନିର୍ମାଣ କରାଇ ନଦେବା ପାଇଁ ଗାଁ କମିଟି ପକ୍ଷରୁ ପ୍ରଜାକୋର୍ଟ କରାଯାଇଥିଲା । ଘର ତିଆରି କରି ପାରିବେ ନାହିଁ ବୋଲି ପ୍ରଜାକୋର୍ଟରେ ନିର୍ଦ୍ଦେଶ ଦିଆଯାଇଥିଲା । ପ୍ରଜାକୋର୍ଟ ରାୟ ବିରୋଧରେ ଲରମ୍ଭା ଥାନାର ଦ୍ୱାରସ୍ଥ ହୋଇଥିଲେ କନ୍ଦର୍ପ । ଗାଁର କିଛି ଲୋକ କନ୍ଦର୍ପଙ୍କ ଦୋକାନକୁ ଆସି ଗାଳିଗୁଳଜ କରୁଛନ୍ତି । ଦୋକାନ ବନ୍ଦ କରିବାକୁ ଧମକ ଦେଉଛନ୍ତି । ଦୀର୍ଘ ୭୦ ବର୍ଷ ହେବ ଗାଁରେ କୌଣସି ବାହାର ବ୍ୟକ୍ତି ଘରଡିହ କିଣି ପାରିବେ ନାହିଁ । ଘର ତିଆରି କରି ପାରିବେ ନାହିଁ । ଗାଁର ଯୁବବାହିନୀ ଗ୍ରାମ୍ୟ କମିଟିର ଉଦ୍ଧ୍ୱର୍ରେ ରହି ପ୍ରସ୍ତୁତ କରିଛି ଏଭଳି ସ୍ୱତନ୍ତ୍ର ନିୟମ ।

କନ୍ଦର୍ପଙ୍କ ଅଭିଯୋଗ ପରେ ଗ୍ରାମ୍ୟକମିଟିର ବାବଜୀ ମେହେର , ଦିନବନ୍ଧୁ ମେହେର , ହରେକୃଷ୍ଣ ମେହେର , ଗୋପାଳ ମେହେର ଭକ୍ତବନ୍ଧୁ ମେହେରଙ୍କ ସହ ଅନେକ ଲୋକଙ୍କୁ ନୋଟିସ ଜାରି କରିଛି ପୋଲିସ । ଘଟଣାର ଆପୋଷ ସମାଧାନ ପାଇଁ ପୋଲିସ ପକ୍ଷରୁ ଉଦ୍ୟମ ଜାରି ରହିଛି । ତେଣେ ଗାଁ କମିଟି ସଦସ୍ୟ କହିଛନ୍ତି ଏଭଳି ନିୟମ ପୁର୍ବରୁ ରହିôଥଲା । ଅନ୍ୟପକ୍ଷରେ ଲରମ୍ଭା ପୋଲିସ ଧାରା ୧୦୭ ରୁଜୁ କରି କୋର୍ଟକୁ କେଶ ହସ୍ତାନ୍ତର କରିଛି ।