ଶରଦଙ୍କୁ ଭେଟିଲେ ଆଦାନୀ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଏନସିପି ମୁଖ୍ୟ ଶରଦ ପାୱାରଙ୍କୁ ଭେଟିଲେ ଗୌତମ ଆଦାନୀ । ଗୁରୁବାର ଶରଦ ପାୱାରଙ୍କୁ ଭେଟି ଦୁଇ ଘଣ୍ଟା କଲେ ଆଲୋଚନା । ଯାହାକୁ ନେଇ ରାଜନୈତି ଚର୍ଚ୍ଚା ଜୋର ଧରିଛି । କିନ୍ତୁ ଏଯାଏ କଣ ଆଲୋଚନା ହୋଇଛି ତାହା ସାମ୍ନାକୁ ଆସିନାହିଁ । କିଛି ଦିନ ପୂର୍ବରୁ ଗୌତମଙ୍କୁ ଟାଗେର୍ଟ କରିଥିଲେ ବିରୋଧୀ । ଯାହାକୁ ଜେପିସି ଗଠନ ପାଇଁ ଦାବି ହୋଇଥିଲା ।

କିନ୍ତୁ ଶରଦ ପାୱାର କହିଥିଲେ, ଜେପିସି ଗଠନ କଲେ କୌଣସି ଲାଭ ହେବ ନାହିଁ। ବିରୋଧୀଙ୍କ ଦାବିକୁ ସେ ଭୁଲ ବୋଲି ମଧ୍ୟ କହିଥିଲେ। ଏଭଳି ପରିସ୍ଥିତିରେ ଗୌତମ ଆଦାନୀଙ୍କ ସହ ତାଙ୍କର ସାକ୍ଷାତ ଗୁରୁତ୍ୱପୂର୍ଣ୍ଣ ହୋଇଥିବାରୁ ଏହାକୁ ନେଇ ରାଜନୈତିକ ମହଲରେ ହଲଚଲ ସୃଷ୍ଟି ହୋଇଛି।ହିଣ୍ଡନବର୍ଗ ରିପୋର୍ଟ ପରେ ବିରୋଧୀ ଅଭିଯୋଗ କରିଥିଲେ, ଗୌତମ ଆଦାନୀ ୨୦ ହଜାର କୋଟି ଟଙ୍କା ଦୁର୍ନୀତି କରିଛନ୍ତି।