ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଆଫଗାନ ରାଷ୍ଟ୍ରଦୂତଙ୍କ ଝିଅଙ୍କୁ ପାକିସ୍ତାନରେ ଅପହରଣ । ଅପହରଣ ପରେ ନିର୍ଯାତନା ଦିଆଯାଇଛି । ଅପହରଣର ୫ ଘଣ୍ଟାପରେ ଅପହରଣକାରୀମାନେ ତାଙ୍କୁ ଛାଡିଦେଇଥିଲେ । ସେହି ୫ ଘଣ୍ଟା ସମୟରେ ଅପହରଣକାରୀମାନେ ତାଙ୍କୁ ଗଭୀର ନିର୍ଯ୍ୟାତନା ଦେଇଥିବା ଜଣାପଡ଼ିଛି। ଏଭଳି ଘଟଣାରେ ଆଫଗାନିସ୍ତାନ ଗଭୀର ଉଦ୍ବେଗ ପ୍ରକାଶ କରିଛି। ଆଫଗାନ୍ ବିଦେଶ ମନ୍ତ୍ରାଳୟପକ୍ଷରୁ ଏନେଇ ଏକ ବିବୃତ୍ତିରେ କୁହାଯାଇିଛି ଯେ ରାଷ୍ଟ୍ରଦୂତ ନଜିବୁଲ୍ଲା ଅଲିଖିଲ୍ଙ୍କ ଝିଅଙ୍କୁ ଅପହରଣ କରାଯାଇଥିଲା ଏବଂ ତାଙ୍କୁ ନିର୍ଯ୍ୟାତନା ଦିଆଯାଇଛି ।
ଆଫଗାନ ରାଷ୍ଟ୍ରଦୂତଙ୍କ ଝିଅ ଗତକାଲି ଇସଲାମାବାଦ୍ ସ୍ଥିତ ତାଙ୍କ ବାସଭବନକୁ ଫେରୁଥିବା ସମୟରେ କିଛି ଦୁର୍ବୃତ୍ତ ତାଙ୍କୁ ଅପହରଣ କରିନେଇଥିଲେ। ଅପହରଣକାରୀମାନେ ତାଙ୍କୁ ଛାଡ଼ିବା ପୂର୍ବରୁ ଶାରିରୀକ ଓ ମାନସିକ ନିର୍ଯ୍ୟାତନା ଦେଇଥିଲେ। ନଜିବୁଲ୍ଲାଙ୍କ ଝିଅ ସିଲସିଲା ଅଲିଖିଲ୍ ଏବେ ଏକ ହସ୍ପିଟାଲ୍ରେ ଚିକିତ୍ସାଧୀନ ଅଛନ୍ତି । ଆଫଗାନିସ୍ତାନ ଏଭଳି କାର୍ଯ୍ୟକୁ କଡ଼ା ନିନ୍ଦା କରିଛି। ଆଫଗାନିସ୍ତାନ ପାକିସ୍ତାନରେ ଏହାର ରାଷ୍ଟ୍ରଦୂତ ଏବଂ ସେମାନଙ୍କ ପରିବାର ସଦସ୍ୟଙ୍କ ସୁରକ୍ଷା ନେଇ ଚିନ୍ତା ପ୍ରକଟ କରିଛି।
