ବେହାଲ ଗଞ୍ଜାମ, ପୁରୁଷୋତ୍ତମପୁରଠାରେ ବିପଦ ସଙ୍କେତ ଛୁଇଁଛି ଋଷିକୁଲ୍ୟା

ପୁରୁଷୋତ୍ତମପୁର, ( ବଡ଼ ଖବର ବ୍ୟୁରୋ) : ଲଗାଣ ବର୍ଷାରେ ବେହାଲ ଗଞ୍ଜାମ । ଜିଲ୍ଲାର ବିଭିନ୍ନ ସ୍ଥାନରେ ପାହଡ ଧସି ରାସ୍ତାବନ୍ଦ ହେବା ସହ ଘର ମଧ୍ୟ ଭୁଶୁଡି ପଡିଛି । ରସ୍ତାରେ ମଧ୍ୟ ପାଣି ଚାଲୁଚି । ପୁରୁଷୋତ୍ତମପୁରଠାରେ ବିପଦ ସଙ୍କେତ ଛୁଇଁଛି ଋଷିକୁଲ୍ୟା ନଦୀ । ଫଳରେ ତଳିଆ ଅଞ୍ଚଳରେ ବନ୍ୟା ଆଶଂଙ୍କା ରହିଛି । ପ୍ରଶାସନ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି । ବନ୍ୟାଜଳ ମାଡି ବ୍ଲକର ବିଭନ୍ନ ସ୍ଥାନରେ ଚାଷଜମି କ୍ଷତିଗ୍ରସ୍ଥ ହୋଇଛି । ଆଜି ସକାଳୁ ବର୍ଷାର ପରିମାଣ କମିଥିବା ବେଳେ ଜଳସ୍ତର କିନ୍ତୁ କମି ନାହିଁ । ଯାହାକୁ ନେଇ ତଳିଆ ଅଞ୍ଚଳବାସୀ ଆତଙ୍କିତ ହୋଇପଡିଛନ୍ତି ।