ପୁଣି ଟ୍ରଲିରେ ବୁହାହେଲା ଶବ

ଗଞ୍ଜାମ(ବଡ଼ ଖବର ବ୍ୟୁରୋ):ସରକାର ଲୋକଙ୍କ ସ୍ୱାସ୍ଥ୍ୟ ପାଇଁ କୋଟି କୋଟି ଟଙ୍କା ଖର୍ଚ୍ଚ କରୁଛନ୍ତି । ହେଲେ ବାସ୍ତବ ରେ ତାହା ସଠିକ୍ ରୂପେ ପହଞ୍ଚି ପାରୁଛି ତାହା କୁ ନେଇ ଏବେ ବଡ଼ ପ୍ରଶ୍ନ ସୃଷ୍ଟି ହେଉଛି। ଏଭଳି ଏକ ଘଟଣା ଦେଖିବାକୁ ମିଳିଛି ଗଜପତି ଜିଲ୍ଲା ମୋହନା ଗୋଷ୍ଟି ସ୍ୱାସ୍ଥ୍ୟ କେନ୍ଦ୍ର ରେ। କୃଷ୍ଣ ସାହୁ ନାମକ ଜଣେ ବ୍ୟକ୍ତି ଙ୍କ ସ୍ୱାସ୍ଥ୍ୟବସ୍ତା ଖରାପ ଥିବାରୁ ତାଙ୍କୁ ମୋହନା ମେଡିକାଲ୍ ରେ ଭର୍ତ୍ତି କରାଯାଇ ଚିକିତ୍ସା କରାଯାଉଥିଲା। ହେଲେ ତାଙ୍କ ସ୍ୱାସ୍ଥ୍ୟବସ୍ଥା ଅତ୍ୟନ୍ତ ଖରାପ ହେବାରୁ ତାଙ୍କର ମେଡ଼ିକାଲ୍ ରେ ହିଁ ମୃତ୍ୟୁ ହୋଇଯାଇଥିଲା। ସବୁଠୁ ବଡ଼ ବିଡମ୍ବନାର କଥା ହେଉଛି ଯେ ପରିବାର ଲୋକଙ୍କୁ ମୋହନା ମେଡିକାଲ୍ ରେ କୌଣସି ଆନୁସଙ୍ଗିକ ବ୍ୟବସ୍ଥା ନଥିବାରୁ ତାଙ୍କ ମୃତ୍ୟୁ ପରେ ଘରକୁ ଶବ ନେବା ପାଇଁ କୌଣସି ଗାଡ଼ି ମିଳିପାରିନଥିଲା । ଶେଷରେ ଟ୍ରଲି ରିକ୍ସା ସାହାଯ୍ୟରେ ଘରକୁ ମୃତ ଦେହ ନେଇଥିଲେ ମୃତକଙ୍କ ସ୍ତ୍ରୀ । ଏଭଳି ଘଟଣା ମୋହନା ମେଡିକାଲରେ ଅନେକ ଥର ଦେଖିବାକୁ ମିଳିଛି । ଏନେଇ ସରକାର ତୁରନ୍ତ ଆନୁସଙ୍ଗିକ ବ୍ୟବସ୍ଥା କରିବାକୁ ଅନୁରୋଧ କରିଛନ୍ତି ସ୍ଥାନୀୟ ଲୋକେ ।