ଭୁବନେଶ୍ୱର (ବଡ଼ ଖବର ବ୍ୟୁରୋ): ଚାଲିଛି ଭୋଟ ଗଣତି । ଆନ୍ଧ୍ରପ୍ରଦେଶ ଲୋକସଭା ଓ ବିଧାନସଭା ପାଇଁ ଆଜି ଚାଲିଛି ଗଣତି। ସକାଳ ୯ଟା ଗଣତି ସୁଦ୍ଧା ତେଲୁଗ ଦେଶମ ପାର୍ଟି ଆଗେଇ ଚାଲିଥିବା ନିର୍ବାଚନ ଆୟୋଗଙ୍କ ପକ୍ଷରୁ ସୂଚନା ମିଳିଛି। ଟିଡିପି ବିଧାନସଭା ପ୍ରାର୍ଥୀ ଜି ବୁଚ୍ଚାହି ଆଗେଇ ଚାଲିଛନ୍ତି। ସେ ରାଜହମୁନ୍ଦ୍ରୟ ଆସନରୁ ପ୍ରତିଦ୍ୱନ୍ଦ୍ୱିତା କରୁଛନ୍ତି। ସେହିପରି ଲୋକସଭା ଆସନରେ ମଧ୍ୟ ଆଗରେ ରହିଛି ଟିଡିପି। ଦଳ ୯ଟି ଆସନରେ ଆଗେଇ ଚାଲିଥିବା ବେଳେ ୱାଇଏସଆର କଂଗ୍ରେସ ତିନୋଟି ଆସନରେ ଆଗରେ ରହିଛି। ଆନ୍ଧ୍ରପ୍ରଦେଶର ୨୫ ଲୋକସଭା ଓ ୧୭୫ଟି ବିଧାନସଭା ଆସନ ପାଇଁ ଭୋଟ୍ ଗଣତି ହେଉଛି। ରାଜ୍ୟରେ ଶାସକ ୱାଇଏସଆର କଂଗ୍ରେସ ଏବଂ ଟିଡିପି-ବିଜେପି-ଜେଏସପି ମିଳିତ ମଞ୍ଚ ମଧ୍ୟରେ ପ୍ରତିଦ୍ୱନ୍ଦ୍ୱିତା ହେଉଛି। ଏଥର ୱାଇଏସଆର କଂଗ୍ରେସ ସତ୍ତାରେ ରହିବା ନା ଗାଦିଚ୍ୟୁତ ହେବ, ତା ଉପରେ ନଜର।
