Masthead

୧୦୪ରେ ମଦ ମାଗୁଛନ୍ତି ଅସାମାଜିକ

ଭୁବନେଶ୍ୱର(ବଡ଼ ଖବର ବ୍ୟୁରୋ): ସବୁଠି କୋଭିଡ଼ର ଜରୁରୀ ପରିସ୍ଥିତି ମାନବ ସମାଜ ସଙ୍କଟରେ, ଏତିକି ବେଳେ ଅନେକ ଦେଖାଇଛନ୍ତି ଅମାନବିକତା । ରାଜ୍ୟରେ କୋଭିଡ ମୁକାବିଲା ପାଇଁ ଜାରି ହୋଇଛି ୧୦୪ ନଂ । କୋଭିଡ ସମ୍ପର୍କିତ ଜରୁରୀ ସୂଚନା ପାଇଁ ଏହି ହେଲ୍ପ ଲାଇନ ନଂ କାମ କରୁଛି । ପ୍ରତିଦିନ ଅନେକ ଲୋକ ଫୋନ କରି ସହାୟତା ଖୋଜୁଛନ୍ତି । କିନ୍ତୁ ଏଭଳି ଏକ ଏମରଜେନ୍ସି ନଂକୁ କଲ କରି ଟାଇମପାସ କରିବା, ଅମଣିଷଙ୍କ ଭଳି କଥା ହେବାକୁ ବି କିଛି ଲୋକ ପଛାଉ ନାହାନ୍ତି । ଯାହାର ଏକ୍ସକ୍ଲ୍ୟୁସିଭ ଅଡିଓ ଲାଗିଛି ବଡ଼ ଖବର ହାତରେ ।

୧୦୪କୁ ଫୋନ କରି ଲୋକମାନେ କରୁଛନ୍ତି ଟାଇମପାସ । ଖାଲି ଏତିକି ନୁହେଁ ନଂକୁ କଲ କରି ଲୋକେ ୧୦୦ ଟଙ୍କା ମାଗୁଛନ୍ତି ମଦ ପିଇବା ପାଇଁ । ଏହି ଘଟଣାକୁ ନେଇ ହେଲ୍ପଲାଇନ କଷ୍ଟେକମାର କେୟାର ଦାୟିତ୍ୱ ନେଇଥିବା ଜିକିଯା ହେଲ୍ଥ କେୟାର ଲିମିଟେଡ଼ ପକ୍ଷରୁ ସହୀଦ ନଗର ଥାନାରେ ଏତଲା ଦିଆଯାଇଛି । ୩୦ଟି ନଂର ତାଲିକା ଦିଆଯାଇଛି । ଏହି ନଂ ଗୁଡ଼ିକ ଏମରଜେନ୍ସି ସ୍ୱାସ୍ଥ୍ୟସେବାକୁ କଲ କରି ଥରେ କି ଦୁଇ ଥର ନୁହେଁ କିଏ ୧୦୦ ଥର କିଏ ୨୦୦ ଥର ଆଉ କିଏ ୫୦୦ ଥର ବି କଲ କରିବାକୁ ପଛାଇ ନାହାନ୍ତି ।

ମୋବାଇଲ ନଂ ୭୨୦୫୭୮୯୨୪୨, ୪୯୨ ଥର ଫୋନ କରି ଏଭଳି ଅଭଦ୍ରାମି ଦେଖାଇଛନ୍ତି । ୯୦୭୮୩୯୭୭୩୦, ୨୦୧ ଥର । ୭୮୯୪୭୨୧୨୪୩, ୧୭୩ ଥର । ୮୬୫୮୯୬୦୯୯୮ ୧୫୧ ଥର, ଓ ୭୦୭୭୩୭୮୧୨୮ ୧୩୭ ଥର ଫୋନ କରି ଜରୁରୀ କାଳୀନ ସେବାର ସମୟ ନଷ୍ଟ କରିଛନ୍ତି । ବାକି ନଂ ଗୁଡ଼ିକର ତଥ୍ୟ ମଧ୍ୟ ପୋଲିସକୁ ସୂଚନା ଦିଆଯାଇଛି । ଏମାନଙ୍କ ଅମାନବିକତା ପାଇଁ ଜରୁରୀ ସମୟରେ ଫୋନ କରୁଥିବା ଲୋକଙ୍କ ନଂ ହେଲ୍ପ ଲାଇନରେ ପହଞ୍ଚିବାରେ ଅସୁବିଧା ହେଉଛି । ତେଣୁ ପୋଲିସ ଏଭଳି ଅସାମାଜିକ ବ୍ୟକ୍ତି ମାନଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ନେବାକୁ ଦାବି ହେଉଛି ।

ଆଗକୁ ପଢନ୍ତୁ
ବ୍ରେକିଙ୍ଗ୍ ନ୍ୟୁଜ୍
🔴 ସୁଭଦ୍ରା ଯୋଜନାକୁ ନେଇ ଆସିଲା ଖୁସି ଖବର…. 🔴 OTET ପ୍ରଶ୍ନପତ୍ର ଲିକ୍ ମାମଲାରେ ରାୟଗଡ଼ାର ଶିକ୍ଷକ ଗିରଫ 🔴 ବିପଦ ସଂକେତ ଘେରରେ ବ୍ରାହ୍ମଣୀ 🔴 ଆସନ୍ତା ୨ ଦିନ ଯାଏ ରାଜ୍ୟରେ ପ୍ରବଳ ବର୍ଷା 🔴 ଟଳିଲେ ଆଉ ୨ ଆତଙ୍କୀ 🔴 ଋଷରେ ତୀବ୍ରତର ଭୂମିକମ୍ପ ପରେ ସୁନାମିର ଭୟ 🔴 ପ୍ରଳୟ-୬ ମିସାଇଲର ସଫଳ ପରୀକ୍ଷଣ 🔴 ବଳଙ୍ଗା ନାବାଳିକା ପୋଡି ଘଟଣା, ହେଲାନି ପୀଡ଼ିତାଙ୍କ ବୟାନ ରେକର୍ଡ 🔴 ଲୋକାର୍ପିତ ହେଲା ଦୈନିକ ଖବର କାଗଜ ‘ସମାଲୋଚନା’ 🔴 ହିଡେନ୍ କ୍ୟାମେରା ନେଇ ଶ୍ରୀମନ୍ଦିରକୁ ଯୁବକଙ୍କ ପ୍ରବେଶ 🔴 ସୁଭଦ୍ରା ଯୋଜନାକୁ ନେଇ ଆସିଲା ଖୁସି ଖବର…. 🔴 OTET ପ୍ରଶ୍ନପତ୍ର ଲିକ୍ ମାମଲାରେ ରାୟଗଡ଼ାର ଶିକ୍ଷକ ଗିରଫ 🔴 ବିପଦ ସଂକେତ ଘେରରେ ବ୍ରାହ୍ମଣୀ 🔴 ଆସନ୍ତା ୨ ଦିନ ଯାଏ ରାଜ୍ୟରେ ପ୍ରବଳ ବର୍ଷା 🔴 ଟଳିଲେ ଆଉ ୨ ଆତଙ୍କୀ 🔴 ଋଷରେ ତୀବ୍ରତର ଭୂମିକମ୍ପ ପରେ ସୁନାମିର ଭୟ 🔴 ପ୍ରଳୟ-୬ ମିସାଇଲର ସଫଳ ପରୀକ୍ଷଣ 🔴 ବଳଙ୍ଗା ନାବାଳିକା ପୋଡି ଘଟଣା, ହେଲାନି ପୀଡ଼ିତାଙ୍କ ବୟାନ ରେକର୍ଡ 🔴 ଲୋକାର୍ପିତ ହେଲା ଦୈନିକ ଖବର କାଗଜ ‘ସମାଲୋଚନା’ 🔴 ହିଡେନ୍ କ୍ୟାମେରା ନେଇ ଶ୍ରୀମନ୍ଦିରକୁ ଯୁବକଙ୍କ ପ୍ରବେଶ