ଭୁବନେଶ୍ୱର (ବଡ଼ ଖବର ବ୍ୟୁରୋ): ବାଲେଶ୍ୱର ଓ ତିର୍ତ୍ତୋଲ ଉପନିର୍ବାଚନ ପାଇଁ ୩୦ ଜଣିଆ ଷ୍ଟାର ପ୍ରଚାରକ ତାଲିକା ଘୋଷଣା କରିଛି ବିଜେଡି । ବିଜେଡି ସଭାପତି ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସମେତ ମନ୍ତ୍ରୀ, ଅରୁଣ ସାହୁ, ସୁଦାମ ମାରାଣ୍ଡି, ପ୍ରତାପ ଜେନା, ନବକିଶୋର ଦାସ , ସୁଶାନ୍ତ ସିଂ, ସମୀର ଦାଶ , ଦିବ୍ୟ ଶଙ୍କର ମିଶ୍ର , ନିରଞ୍ଜନ ପୂଜାରୀ , ଜ୍ୟୋତି ପ୍ରକାଶ ପାଣିଗ୍ରାହୀ, ରଘୁ ନନ୍ଦନ ଦାସ, ରଣେନ୍ଦ୍ର ପ୍ରତାପ ସ୍ୱାଇଁ, , ପ୍ରେମାନନ୍ଦ ନାୟକ ଦଳ ଲାଗି ପ୍ରଚାର ଦାୟିତ୍ୱ ତୁଲାଇବେ । ସେହିଭଳି, ବିଧାୟକ ପ୍ରଣବ ପ୍ରକାଶ ଦାସ , ସୌମ୍ୟ ରଞ୍ଜନ ପଟ୍ଟନାୟକ, ଅନନ୍ତ ଦାସ, ପ୍ରମିଳା ମଲ୍ଲିକ, ଅତନୁ ସବ୍ୟସାଚୀ ନାୟକ, ପ୍ରତାପ କେଶରୀ ଦେବ , ଦେବୀ ମିଶ୍ର, ପ୍ରଶାନ୍ତ ମୁଦୁଲି ମଧ୍ୟ ମଇଦାନରେ ତାରକା ପ୍ରଚାରକ ଭାବେ ଓହ୍ଲାଇବେ । ସଞ୍ଜୟ ଦାସ ବର୍ମା, ଜୀବନ ପ୍ରଦୀପ ଦାସ, ସତ୍ୟବ୍ରତ ତ୍ରିପାଠୀ , ଆକାଶ ଦାସ ନାୟକ, ଦେବାଶିଷ ସାମନ୍ତରାୟ ଓ ଅରିନ୍ଦମ ରାୟ ମଧ୍ୟ ତାଲିକାରେ ରହିଛନ୍ତି । ସାଂସଦ ରାଜଶ୍ରୀ ମଲ୍ଲିକ, ମୁଜିବୁଲ୍ଲା ଖାଁ ମଧ୍ୟ ଘନଘନ ପ୍ରଚାର କରିବେ ।
ଏହି ତାଲିକାରେ ଅଭିନେତାରୁ ନେତା ହୋଇଥିବା ମୁଜିବୁଲ୍ଲା ଖାଁ, ଆକାଶ ଓ ଅରିନ୍ଦମଙ୍କ ନାଁ ରହିଛି । କିନ୍ତୁ କେନ୍ଦ୍ରାପଡ଼ା ସାଂସଦ ଅନୁଭବ ମହାନ୍ତିଙ୍କୁ ସାମିଲ କରିନାହାନ୍ତି ନବୀନ ।
