ବିଜେଡିରୁ ୧୧ ସରପଞ୍ଚ ଏବଂ ସମିତିସଭ୍ୟଙ୍କ ଇସ୍ତଫା
ମାହାଙ୍ଗା (ବଡ଼ ଖବର ବ୍ୟୁରୋ): ଛିଡ଼ୁଛି ବିଜେଡି । ମାହାଙ୍ଗାରେ ପ୍ରତାପଙ୍କୁ ଶକ୍ତ ଧକ୍କା । ବିଜେଡିରୁ ଇସ୍ତଫା ଦେଇ ସାରଦାଙ୍କ ଶିବିରରେ ୧୧ ସରପଞ୍ଚ ଓ ସମିତି ସଭ୍ୟ । ନିଶ୍ଚିନ୍ତକୋଇଲି ପଞ୍ଚାୟତ ସମିତିର ୬ ଜଣ ସରପଞ୍ଚ ଓ ୫ ଜଣ ସମିତି ସଭ୍ୟଙ୍କ ଦଳତ୍ୟାଗ । ବିଧାୟକ ଶାରଦା ପ୍ରସାଦ ପ୍ରଧାନଙ୍କ ନେତୃତ୍ୱ ଉପରେ ଆସ୍ଥା ପ୍ରକଟ କରି ସ୍ୱାଧୀନ ଭାବେ କାର୍ଯ୍ୟ କରିବାକୁ ନେଲେ ନିଷ୍ପତି । ବିଜେଡି ଛାଡିଥିବା ସମସ୍ତ ଜନ ପ୍ରତିନିଧିଙ୍କୁ ସାରଦାଙ୍କ ସ୍ୱାଗତ ।
ନିଶ୍ଚିନ୍ତକୋଇଲି ବ୍ଲକର ଫୋଗଳ, ଜୟରାମପୁର, ଯମରା, କେରୀଲୋ, ନରେନ୍ଦ୍ରପୁର (ସମିତି ସଭ୍ୟ ) ଫୋଗଳ, ନରେନ୍ଦ୍ରପୁର, ନଗେସପୁର, କଟିକଟା, କେରୀଲୋ, ସୁକରପଡା ପଞ୍ଚାୟତର (ସରପଞ୍ଚ) ମାନେ ବିଜେଡି ଛାଡିବା ଉଦବେଗର କାରଣ ହୋଇଛି । ବିଜେଡିକୁ ତୃଣମୂଳ ସ୍ତରରୁ ଶକ୍ତିଶାଳୀ କରିବା ପାଇଁ ଦଳ ସୁପ୍ରିମୋ ନବୀନ ପଟ୍ଟନାୟକ ଗୁରୁତ୍ୱାରୋପ କରୁଥିବା ବେଳେ ଦଳର ରାଜ୍ୟ ମିଡ଼ିଆ ସଂଯୋଜକ ତଥା ପୂର୍ବତନ ମନ୍ତ୍ରୀ ପ୍ରତାପ ଜେନାଙ୍କ ନିଜ ନିର୍ବାଚନମଣ୍ଡଳିରେ ଗୋଟିଏ ଦିନରେ ୧୧ ସରପଞ୍ଚ ଓ ସମିତି ସଭ୍ୟଙ୍କ ଦଳ ଛାଡିବା ଘଟଣା ଉପକୂଳ ଜିଲାରେ ଚର୍ଚ୍ଚିତ ବିଷୟ ପାଲଟିଛି ।