ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଆଜିଠୁ ଆରମ୍ଭ ହେବାକୁ ଯାଉଛି ମୋଦୀଙ୍କ ତୃତୀୟ ପାଳି । ରାଷ୍ଟ୍ରପତି ଭବନରେ ସନ୍ଧ୍ୟା ୭ଟା ୧୫ ମିନିଟରେ ନରେନ୍ଦ୍ର ମୋଦୀ ପ୍ରଧାନମନ୍ତ୍ରୀ ଭାବେ ଶପଥ ନେବେ । ଏଥିସହ କିଛି କ୍ୟାବିନେଟ ମନ୍ତ୍ରୀ ମଧ୍ୟ ଶପଥ ନେବାର କାର୍ଯ୍ୟକ୍ରମ ରହିଛି । ଏହି ଉତ୍ସବରେ ଯୋଗ ଦେବା ପାଇଁ ଦେଶବିଦେଶରୁ ମାନ୍ୟଗଣ୍ୟ ଅତିଥି ଯୋଗ ଦେବେ । କିନ୍ତୁ ଏହାପୂର୍ବରୁ ନରେନ୍ଦ୍ର ମୋଦି ବିରୋଧୀ ଦଳର ଟାର୍ଗେଟରେ ଅଛନ୍ତି। ରାଜସ୍ଥାନର ପୂର୍ବତନ ମୁଖ୍ୟମନ୍ତ୍ରୀ ଅଶୋକ ଗେହଲଟ୍ ନିଜ ଏକ୍ସରେ ଏକ ପୋଷ୍ଟ କରିଛନ୍ତି ।
ସେ ଲେଖିଛନ୍ତି ନରେନ୍ଦ୍ର ମୋଦି ପ୍ରଧାନମନ୍ତ୍ରୀ ଭାବେ ଶପଥ ଗ୍ରହଣ କରିବେ । ଗଣମାଧ୍ୟମ ରିପୋର୍ଟରୁ ଜଣାପଡିଛି ଯେ ଏହି ସରକାରଙ୍କ ଦୁର୍ବଳ ସ୍ଥିତି ହେତୁ ବିହାର ଏବଂ ଆନ୍ଧ୍ରପ୍ରଦେଶ ସ୍ୱତନ୍ତ୍ର ରାଜ୍ୟ ମାନ୍ୟତା ପାଇବାକୁ ଯାଉଛନ୍ତି। ସେ ଆହୁରି ମଧ୍ୟ ଲେଖିଛନ୍ତି, ମୁଁ ଆପଣଙ୍କୁ କହିବାକୁ ଚାହେଁ ଯେ ରାଜସ୍ଥାନ ପ୍ରଥମେ ସ୍ବତନ୍ତ୍ର ରାଜ୍ୟ ମାନ୍ୟତା କିମ୍ବା କେନ୍ଦ୍ର ସରକାରଙ୍କ ବିଶେଷ ଧ୍ୟାନର ଆବଶ୍ୟକତା ରହିଛି । କାରଣ ଆମ ରାଜ୍ୟ ହେଉଛି ସବୁଠାରୁ ବଡ ମରୁଭୂମି ରାଜ୍ୟ। ସମଗ୍ର ରାଜ୍ୟର କେବଳ ଏକ ଛୋଟ ଅଂଶରେ ବର୍ଷସାରା ପ୍ରବାହିତ ହେଉଥିବା ନଦୀ ରହିଛି ଏବଂ ଭୌଗୋଳିକ ଅବସ୍ଥା ଚ୍ୟାଲେଞ୍ଜପୂର୍ଣ୍ଣ ଅଟେ । ରାଜସ୍ଥାନର କ୍ଷେତ୍ର ଦେଶର ୧୦% କିନ୍ତୁ ଜଳ ମାତ୍ର ୧% ଅଟେ।
