ତିହାର ଜେଲରୁ କେଜ୍ରିୱାଲଙ୍କ ବଡ଼ ଘୋଷଣା

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ତିହାର ଜେଲରୁ କେଜ୍ରିୱାଲଙ୍କ ବଡ଼ ଘୋଷଣା । ମହିଳାମାନଙ୍କ ପାଇଁ ବଡ଼ ଘୋଷଣା କଲେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ । ମୁଖ୍ୟମନ୍ତ୍ରୀ କେଜ୍ରିୱାଲ କହିଛନ୍ତି ଯେ, ମହିଳାମାନଙ୍କୁ ଖୁବ ଶୀଘ୍ର ୧୦୦୦ ଟଙ୍କା ପ୍ରତି ମାସରେ ଦେବେ । ଆମ ଆଦମୀ ପାର୍ଟୀର ନେତା ଆତିଶୀ ଏକ୍ସରେ ଲେଖିଛନ୍ତି ଯେ, ଅରବିନ୍ଦ କେଜ୍ରିୱାଙ୍କୁ ଜେଲରେ ନିଜର ନୁହେଁ ବରଂ ୨ କୋଟି ଦିଲ୍ଲୀବାସୀମାନଙ୍କ ଚିନ୍ତା ରହିଛି ।

ଆଜି ଜେଲରେ ଭେଟିବାବେଳେ ଅରବିନ୍ଦ କେଜ୍ରିୱାଲ ସରକାରୀ ସ୍କୁଲରେ ପଢୁଥିବା ପିଲାମାନଙ୍କ ସୂଚନା ନେଇଛନ୍ତି । ଗ୍ରୀଷ୍ମ ଯୋଗୁଁ ଦିଲ୍ଲୀରେ ପାଣିର ଅଭାବ ନ ରହିବାର ବ୍ୟବସ୍ଥା କରାଯିବାକୁ ନିର୍ଦ୍ଦେଶ ଦେଇଛନ୍ତି । ଆତିଶୀ ଆଗକୁ ଲେଖିଛନ୍ତି ଯେ, ମୁଖ୍ୟମନ୍ତ୍ରୀ ଦିଲ୍ଲୀର ନିଜ ମାଆ-ଭଉଣୀ-ଝିଅଙ୍କ ପାଇଁ ମଧ୍ୟ ସନ୍ଦେଶ ପଠାଇଛନ୍ତି ଯେ, ସେ ଖୁବ ଶୀଘ୍ର ବାହାରକୁ ଆସିବେ । ଦିଲ୍ଲୀର ମହିଳାମାନଙ୍କୁ ପ୍ରତିମାସରେ ୧୦୦୦ ଟଙ୍କା ଲେଖାଏଁ ଦେବାର ଯେଉଁ ପ୍ରତିଜ୍ଞା କରିଛନ୍ତି ତାକୁ ପୂରଣ କରିବେ ।