କୋଲକାତାରେ କାଳବୈଶାଖୀ, ଭୁବନେଶ୍ୱରରେ ଓହ୍ଲାଇଲା ୮ ବିମାନ

ଭୁବନେଶ୍ୱର (ବଡ଼ ଖବର ବ୍ୟୁରୋ): କୋଲକାତାରେ କାଳ ବୈଶାଖୀ, ଭୁବନେଶ୍ବରରେ ଓହ୍ଲାଇଲା ବିମାନ । ଭୁବନେଶ୍ୱର ବିଜୁ ପଟ୍ଟନାୟକ ବିମାନ ବନ୍ଦରରେ ଅବତରଣ କଲା କୋଲକାତା ଯାଉଥିବା ୮ ବିମାନ। ୮ ବିମାନ ମଧ୍ୟରୁ ୬ଟି ବିମାନ କୋଲକାତା ଫେରିଛି । ଆଉ ୨ ବିମାନ ଭୁବନେଶ୍ବର ବିମାନ ବନ୍ଦରରେ ଏବେ ବି ରହିଛି । ସୂଚନା ଦେଲେ ଭୁବନେଶ୍ବର ବିମାନ ବନ୍ଦର କର୍ତ୍ତୃପକ୍ଷ । ଗତକାଲି କୋଲକାତାରେ କାଳ ବୈଶାଖୀ ହୋଇଥିଲା। ବର୍ଷା ସହ ଜୋରରେ ପବନ ହୋଇଥିଲା। ଏଥିପାଇଁ କୋଲକାତା ଯାଉଥିବା ୮ ବିମାନ ଭୁବନେଶ୍ୱରରେ ଗତକାଲି ବିଳମ୍ବିତ ରାତିରେ ଅବତରଣ କରିଥିଲା। ପରେ ୬ଟି ବିମାନ କୋଲାକତା ଯାଇଥିଲା। ଅନ୍ୟ ୨ଟି ବିମାନ କୋଲକାତା ଯାଇପାରିନଥିଲା। ଗତକାଲିରାତିଠୁ ଯାତ୍ରୀମାନେ ବିମାନବନ୍ଦରରେ ପଡ଼ିରହିଛନ୍ତି। ଫଳରେ ଯାତ୍ରୀମାନଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି। ଏନେଇ ଭୁବନେଶ୍ୱର ବିମାନ ବନ୍ଦର କର୍ତ୍ତୃପକ୍ଷ ପକ୍ଷରୁ କୌଣସି ପ୍ରତିକ୍ରିୟା ମିଳିନାହିଁ।