ବାହାନଗା ଷ୍ଟେସନ ସୁପରିଟେଣ୍ଡଙ୍କୁ ଆକ୍ରମଣ, ଲୁଟିନେଲେ ମୋବାଇଲ,ଟଙ୍କା
ବାଲେଶ୍ୱର(ବଡ଼ ଖବର ବ୍ୟୁରୋ)ପୁଣି ବ୍ଲାକ ପଲସର ଆତଙ୍କ । ଲୁଟର ଶିକାର ହେଲେ ବାହାନାଗା ଷ୍ଟେସନ ସୁପରିଟେଣ୍ଡେ । ବିଳମ୍ବିତ ରାତିରେ ଡ୍ୟୁଟି ସାରି ଫେରୁଥିବା ବେଳେ ଦୁବୁର୍ତ୍ତ ମାନେ ଆକ୍ରମଣ କରିଥିଲେ । ସୁପରିଟିଣ୍ଡେଣ୍ଟ ଜିତେନ୍ଦ୍ର ବାଇକରେ ଘରକୁ ଫେରୁଥିବା ସମୟରେ ଦୁବୁର୍ତ୍ତମାନେ ତାଙ୍କୁ ଅଟକାଇଥିଲେ ।
ଦହିସଡ଼ା ହନୁମାନ ମନ୍ଦିର ଟିକିଏ ପୂର୍ବରୁ ସେମାନେ ଜିତେନ୍ଦ୍ରଙ୍କ ଆଗରେ ବାଇକ୍ ଅଡ଼ା ପକାଇ ଅଟକାଇ ଭୁଜାଲିରେ ମୁଣ୍ଡକୁ ହାଣି ଦେଇଥିଲେ । ଆକ୍ରମଣ ବେଳେ ହେଲମେଟ ପିନ୍ଧିଥିବାରୁ ଅଳ୍ପକେ ବର୍ତ୍ତି ଯାଇଥିଲେ ।
ତେବେ ମାରଣାସ୍ତ୍ର ଦେଖାଇ ତାଙ୍କଠାରୁ ମୋବାଇଲ, ଟଙ୍କା,ପର୍ସ ଏବଂ ଚାବି ନେଇ ପଳାଇଥିଲେ । ଶେଷରେ ଜିତେନ୍ଦ୍ର ଉପାୟ ନପାଇ ସେଠାରୁ ବାଇକ୍କୁ ଗଡ଼ାଇ ଗଡ଼ାଇ ସୋରକୁ ଫେରି ଆସି ଥାନାରେ ଅଭିଯୋଗ କରିଛନ୍ତି ।
