ବିଜେଡିରୁ ବିଜୟ ପରେ ଶଙ୍ଖକୁ ପସନ୍ଦ କରୁନାହାନ୍ତି କି ନୂଆ ବିଧାୟିକା

ବାଲେଶ୍ୱର (ବଡ଼ ଖବର ବ୍ୟୁରୋ): ବିଜେଡିରୁ ବିଜୟ ପରେ ଶଙ୍ଖକୁ ପସନ୍ଦ କରୁନାହାନ୍ତି କି ନୂଆ ବିଧାୟିକା । ନିର୍ବାଚନ ଫଳାଫଳର ୧୫ ଦିନ ନପୁରୁଣୁ ବସ୍ତା ବିଧାୟିକା ସୁଵାସିନୀ ଜେନା ଶଙ୍ଖ ଚିହ୍ନ ପ୍ରତି ଏତେ ବିତୃଷ୍ଣା ହେଲେ କେମିତି । ବସ୍ତା ନିର୍ବାଚନମଣ୍ଡଳି ବାଲିଆପାଳ ଲଙ୍ଗଳେଶ୍ଵର ସ୍ଥିତ ନିଜ ଗାଁ ଘର ପାଚେରିରେ ନିର୍ବାଚନ ବେଳେ ଅଙ୍କା ଯାଇଥିବା ଶଙ୍ଖ ଚିହ୍ନକୁ ଆଉ ଦେଖିବାକୁ ଚାହୁଁ ନାହାଁନ୍ତି ।

ପ୍ରଥମ ଥର କରି କାଲି ସୁବାସିନୀ ଜେନା ବିଧାୟିକା ଭାବେ ଶପଥ ନେଇଥିବା ବେଳେ ଏପଟେ ଚାଲିଛି ବିଜେଡି ଶଙ୍ଖ ଉପରେ ଚୂନ ଲିପା । ଯେଉଁଠି ଦିନେ ବିଜେଡି ଶଙ୍ଖ ପାଇଁ ବସ୍ତା ଆସନରେ ବିଜୟ ହେଲେ ସେହି ଚିହ୍ନକୁ ସୁବାସିନୀ ନିଜ ଘର କାନ୍ଥରୁ ହଟେଇବା ଦୃଶ୍ୟ ସମସ୍ତଙ୍କୁ କରୁଛି ଆଶ୍ଚର୍ଯ୍ୟ ।